Bigg Boss 8 Telugu Highlights:
బిగ్ బాస్ తాజా ఎపిసోడ్‌లో ఎప్పటిలాగే ముందుగా ఉన్న కంటెస్టెంట్లు తిరిగి ఇంట్లోకి వచ్చి, “టికెట్ టు ఫినాలే” కోసం ఒక కంటెస్టెంట్‌ను ఎంపిక చేశారు. అలాగే, రాబోయే గేమ్‌ల్లో ఆడనివ్వకూడదని భావించిన ఒకరిని కూడా ఎంచుకున్నారు. ఈ ఎపిసోడ్‌లో 5వ సీజన్ నుండి మానస్, 7వ సీజన్ నుండి ప్రియాంక జైన్ వచ్చి రెండు టాస్క్‌లను నిర్వహించారు.
మానస్, ప్రియాంక మొదట నబీల్, ప్రేరణను టాస్క్‌ల కోసం ఎంచుకున్నారు. ఈ ఇద్దరూ టాస్క్‌లను బాగా ఆడతారని భావించారు. అయితే, నబీల్, ప్రేరణ టర్న్‌లో అవినాష్, పృథ్విని ఎంపిక చేశారు. నబీల్, అవినాష్ మానసిక బలాన్ని కలిగి లేరని భావించి అతనిపై తీవ్ర విమర్శలు చేశారు. కానీ, అదే అవినాష్ రెండూ టాస్క్‌లలో గెలిచాడు.
అవినాష్ ఎంచుకున్నప్పుడు చాలామంది అతను గేమ్‌ను బాగా ఆడలేడని అనుకున్నారు. కానీ అతను అందరిని ఆశ్చర్యపరుస్తూ రెండు టాస్క్‌లలో విజయవంతమయ్యాడు. ఇది నబీల్‌కు గట్టి ఎదురుదెబ్బగా మారింది. నబీల్, అవినాష్ మొదటి టాస్క్ గెలవడానికి తేజా సహాయం చేశాడని అనుమానించాడు.
నబీల్‌కు టాస్క్‌లు గెలిచే అవకాశం ఉన్నప్పటికీ, అతని ఓవర్ కాన్ఫిడెన్స్ వల్లే ఓడిపోయాడు అని చెప్పచ్చు. మొదటి టాస్క్ అయిన సుడోకు గేమ్‌లో అతను గెలవలేకపోయాడు. రెండవ టాస్క్‌లో గెలిచేందుకు ప్రయత్నించినప్పటికీ, మాజీ కంటెస్టెంట్లు అతనికి ప్రత్యేక పవర్ ఇవ్వడాన్ని నిరాకరించారు.
అవినాష్ తన ప్రతిభతో అందరికీ తాను ఏమి చేయగలడో నిరూపించాడు. మొదటిసారి ఎంపిక అవ్వకపోయినా, అవినాష్ రెండు టాస్క్‌లలో గెలవడం ద్వారా అందరికీ షాక్ ఇచ్చాడు. మరోవైపు, నబీల్ రేసు నుండి బయటపడ్డాడు.
ALSO READ: Keerthy Suresh Wedding గెస్ట్ లిస్ట్ లో కేవలం కొందరు సెలబ్రిటీలు మాత్రమేనా?
