టాలీవుడ్‌ రౌడీ హీరో విజయ్ దేవరకొండ.. పూరి జగన్నాథ్ కాంబినేషన్‌లో ‘లైగర్’ సినిమా రూపొందింది. పూరి జగన్నాథ్, చార్మీ, కరణ్ జొహార్ కలిసి ఈ సినిమాను నిర్మించారు. ఇది పాన్ ఇండియా సినిమా కావడంతో పూరి ఎక్కువ టైమ్‌ తీసుకున్నాడు. కరోనా ప్రభావం కారణంగా మరింత ఆలస్యమైంది. బాక్సింగ్ నేపథ్యంలో నిర్మితమైన ఈ సినిమాలో, విజయ్ దేవరకొండ బాక్సర్ గా కనిపించనున్నాడు.
ఈ సినిమాతో టాలీవుడ్‌లో అనన్య పాండే హీరోయిన్‌గా ఎంట్రీ ఇచ్చింది. ఇక ఈ సినిమా నుంచి ట్రైలర్ ను రిలీజ్ చేయడాని కి డేట్‌ ఫిక్స్ చేశారు. ఈ నెల 21వ తేదీన ట్రైలర్ ను రిలీజ్ చేస్తున్నట్టుగా అధికారికంగా ప్రకటించారు. మైక్ టైసన్ ఈ సినిమాలో అతిథి పాత్రలో కనిపించనున్నాడు. రమ్యకృష్ణ కీలకమైన పాత్రను పోషించిన ఈ సినిమాలో, మకరంద్ దేశ్ పాండే .. రోనిత్ రాయ్ ముఖ్యమైన పాత్రల్లో కనిపించనున్నారు. ఆగస్టు 25వ తేదీన ఈ సినిమాను ప్రపంచవ్యాప్తంగా విడుదల చేయనున్నారు. ఈ సినిమా విజయం విజయ్ దేవరకొండకి కీలకం కానుంది.
