డైరెక్టర్ పూరీ జగన్నాధ్ దర్శకత్వంలో టాలీవుడ్ యంగ్ హీరో విజయ్ దేవరకొండ నటించిన తాజా చిత్రం మూవీ ‘లైగర్’ ‘సాలా క్రాస్ బ్రీడ్’ అనే ట్యాగ్ లైన్. స్పోర్ట్స్ యాక్షన్ ఫిలిం గా రూపొందిన ఈ సినిమా పాన్ ఇండియా స్థాయిలో ఆగస్ట్ 25న విడుదల కానుంది.
‘లైగర్’ నుంచి ఇటీవల విడుదలైన ట్రైలర్ మరియు ‘అకిడి పక్డి’ – ‘వాట్ లగా దేంగే’ పాటలు మంచి స్పందన తెచ్చుకొని.. సినిమాపై హైప్ పెంచేశాయి. విడుదల తేదీ దగ్గర పడుతుండటంతో దూకుడుగా ప్రమోషన్స్ చేస్తున్న VD అండ్ టీమ్.. ఆదివారం ముంబై లోని ఒక మాల్ లో సందడి చేశారు. ఈ క్రమంలో తాజాగా ‘గాడ్ ఫాదర్’ సెట్ ను చిత్ర బృందం సందర్శించింది.
‘గాడ్ ఫాదర్’ కోసం ప్రత్యేకంగా వేసిన సెట్ లో మెగాస్టార్ చిరంజీవి మరియు బాలీవుడ్ సూపర్ స్టార్ సల్మాన్ ఖాన్ లపై ప్రస్తుతం ఓ స్పెషల్ సాంగ్ ను షూట్ చేస్తున్నారు. ఈ నేపథ్యంలో ‘లైగర్’ టీమ్ తమ సినిమా కోసం ఇద్దరు స్టార్ హీరోల ఆశీస్సులు తీసుకున్నారు. స్టార్స్ ఇద్దరూ టీమ్ మొత్తానికి శుభాకాంక్షలు తెలిపారు.
మెగాస్టార్ – సూపర్ స్టార్ లతో ‘లైగర్’ మీట్ కు సంబంధించిన ఫొటోని విజయ్ దేవరకొండ సోషల్ మీడియాలో షేర్ చేశారు. ఈ ఫొటోలో చిరు, సల్మాన్, పూరీ, ఛార్మీ, విజయ్ దేవరకొండ కనిపిస్తున్నారు. ‘గాడ్ ఫాదర్’ సినిమాలో పూరీ జగన్నాథ్ అతిథి పాత్రలో కనిపించనున్న సంగతి తెలిసిందే. ఇక ఈ సినిమాలో అనన్య పాండే హీరోయిన్ గా నటించింది.
Megastar @KChiruTweets sir & @BeingSalmanKhan sir –
Your blessings and love for #Liger means the world to us!
My respect and love always ❤️ pic.twitter.com/uts0kcY4L3
— Vijay Deverakonda (@TheDeverakonda) August 1, 2022
