ప్రముఖ దర్శకుడు రాజమౌళి సినిమా తీస్తున్నాడంటే అది సాంకేతికంగా ఉన్నతంగా ఉంటుంది. ముఖ్యంగా పిక్చరైజేషన్. ప్రస్తుతం ఆయన చేస్తున్న ‘ఆర్ఆర్ఆర్’ మూవీకి కూడా ఈ ప్రత్యేకత ఉంది. అదే లార్జ్ ఫార్మాట్ కెమెరా. ఇండియాలో ఈ కెమెరాతో చిత్రీకరించబడుతున్న మొదటి సినిమా ఇదే కావడం విశేషం. అందులో అత్యుత్తమమైన సిగ్నేచర్ ప్రైమ్ లెన్స్ వాడుతున్నారు. ఈ విషయాన్ని సినిమా డివోపి సెంథిల్ కుమార్ తెలిపారు. మరి ఈ కెమెరా మ్యాజిక్ ఏ రకంగా ఉంటుందో తెలియాలంటే వెండి తెర మీద చూడాల్సిందే. ఈరోజే రెండవ షెడ్యూల్ మొదలుపెట్టుకున్న ఈ చిత్రం ఈ ఏడాది చివరకు ముగుస్తుంది. ఇద్దరు స్టార్ హీరోలు రామ్ చరణ్, ఎన్టీఆర్ కలిసి నటిస్తుండటంతో ఈ సినిమాపై అంచనాలు భారీస్థాయికి చేరుకున్నాయి. ఈ చిత్రాని దానయ్య నిర్మిస్తున్నారు. కీరవాణి సంగీతం అందిస్తున్నాడు.
One of the first film in India to be Shot on Arri #AlexaLF and Arri #SignaturePrime Lens.@ARRIChannel @RRRMovie.
Starting our 2nd Schedule Today.@DVVMovies@tarak9999 @ssrajamouli #RamCharan pic.twitter.com/0JVUWbhbuG— KK Senthil Kumar (@DOPSenthilKumar) January 21, 2019
