విజయ్ దేవరకొండ -సమంత హీరో హీరోయిన్‌లుగా నటిస్తున్న చిత్రం ‘ఖుషి ‘. శివ నిర్వాణ డైరెక్షన్‌లో వస్తున్న ఈ సినిమాని మైత్రీ మూవీ మేకర్‌ సంస్థ నిర్మిస్తున్నది. ఈ సినిమా సెప్టెంబర్‌ 1న విడుదల కానుంది. ఈ నేపథ్యంలో ప్రపోమోషన్స్‌ వేగం చేశారు. ఇప్పటికే ఈ సినిమా నుంచి విడుదలైన పోస్టర్‌లతోపాటు, పాటలు కూడా సోషల్‌మీడియాలో వైరల్‌ అవుతున్నాయి. ఈ క్రమంలో ట్రైలర్ అప్‌డేట్‌ను మేకర్స్ ప్ర‌క‌టించారు.
ఆగ‌ష్టు 09న ఈ సినిమా ట్రైలర్‌ను రిలీజ్ చేయబోతున్నట్లు విజయ్ దేవరకొండ సోష‌ల్ మీడియాలో వెల్లడించాడు. ఈ ట్రైలర్ 2 నిమిషాల 41 సెకన్ల నిడివి ఉందంటూ విజయ్ ట్విట్ట‌ర్‌లో తెలిపాడు. ఈ సినిమా కాశ్మీర్‌ బ్యాక్‌గ్రాప్‌లో తెరకెక్కుతుంది ఈ సినిమాను మైత్రీ మూవీ మేకర్స్ సంస్థ నిర్మిస్తుంది. ఇప్పటికే విడుదల కావాల్సిన ఈ సినిమా కొన్ని కారణాల వల్ల వాయిదా పడింది. జయరాం, సచిన్‌ ఖేడేకర్‌, మురళీశర్మ తదితరులు ఈ సినిమాలో కీలక పాత్రలో నటిస్తున్నారు.
