విజయ్ దేవ‌ర‌కొండ – సమంత హీరోహీరోయిన్లుగా నటిస్తున్న చిత్రం ‘ఖుషి’. శివ‌నిర్వాణ డైరెక్షన్‌లో వస్తున్న ఈ సినిమా ట్రైలర్‌ కోసం ప్రేక్షకులు ఎంతగానో ఎదురు చూస్తున్నారు. తాజాగా ఈ మూవీ ట్రైలర్‌ విడుదలైంది.
ఈ ట్రైలర్‌ మొత్తం చాలా ఆసక్తికరంగా సాగింది. విజయ్- సమంత లవ్‌ చేసుకోవడం, పెద్దల అంగీకారం లేకుండా పెళ్లి చేసుకోవాడం. ఆ తరువాత వారి లైఫ్‌ ఎలా సాతుంది అనేది ట్రైలర్‌లో చూపించారు. ఫన్‌, రొమాంటిక్‌, సస్పెన్స్‌ ఈ ట్రైలర్‌ మూవీ లవర్స్‌ను ఆకట్టుకుంటోంది.
ఇప్పటికే ఈ సినిమా నుండి విడుదలైన అప్డేట్స్‌కు మంచి స్పందన రాగా.. ఈ ట్రైలర్‌ సినిమాపై ఆసక్తిని పెంచేసింది. తెలుగుతోపాటు తమిళం, హిందీ, కన్నడ, మలయాళ భాషల్లో కూడా ఈ సినిమాని విడుదల చేయనున్నారు.
మైత్రీ మూవీ మేక‌ర్స్ బ్యానర్‌లో రొమాంటిక్‌ ఫ్యామిలీ ఎంటర్‌టైనర్‌గా వస్తోన్న ఈ చిత్రంలో స‌చిన్ ఖ‌డేక‌ర్‌, ముర‌ళీ శ‌ర్మ, ల‌క్ష్మి, అలీ, రోహిణి, వెన్నెల కిశోర్‌, రాహుల్ రామ‌కృష్ణ, శ్రీకాంత్ అయ్యంగార్‌, కన్నడ యాక్టర్‌ జ‌య‌రాం, శ‌ర‌ణ్య ప్రదీప్‌ కీల‌క పాత్రలు పోషిస్తున్నారు. సెప్టెంబర్ 1న సినిమా ప్రేక్షకుల ముందుకు రానుంది.
