కేవీ అనుదీప్‌ దర్శకత్వంలో నవీన్ పొలిశెట్టి, ప్రియదర్శి, రాహుల్‌ రామకృష్ణ ప్రధాన పాత్రధారులుగా నటించిన చిత్రం ‘జాతిరత్నాలు’. బాక్సాఫీస్‌ వద్ద కాసుల వర్షాన్ని కురిపించింది. మహాశివరాత్రి సందర్భంగా మార్చి 11న విడుదలైన ఈ సినిమా విమర్శకుల ప్రశంసలు అందుకుంది. ముఖ్యంగా ఈ సినిమాలోని కామెడీ స‌రికొత్త వినోదాన్ని పంచింది. థియేటర్‌కు వెళ్లిన ప్రతి ప్రేక్షకుడు కడుపుబ్బా నవ్వుకుని బయటకు వచ్చాడు. అన్ని వర్గాల ప్రేక్షకులను ఆకట్టుకున్న ఈ సినిమాపై సీనీ ప్రముఖులు సైతం పొగడ్తల వర్షం కురిపించారు. ఫలితంగా ఈ సినిమా ప్రపంచవ్యాప్తంగా రూ.39.04 కోట్ల షేర్‌, రూ.70 కోట్ల గ్రాస్‌ వసూలు చేసింది.
తాజాగా తెలంగాణ మంత్రి కేటీఆర్‌ ‘జాతిరత్నాలు’పై ప్రశంసల జల్లుకురిపించారు. ఆదివారం ‘జాతిరత్నాలు’ వీక్షించిన మంత్రి.. సినిమా చాలా నచ్చిందని, కామెడీ హిలేరియస్‌గా ఉందని ట్వీట్ చేశారు. ఈ ట్వీట్ పై హీరో నవీన్ పోలిశెట్టి స్పందించారు. థాంక్యూ సార్…మీకు నచ్చడం చాలా సంతోషంగా ఉంది అంటూ రిప్లై ఇచ్చాడు.
Loved Jathi Rathnalu. Was hilarious 😆 https://t.co/8UwRkxpzmg
— KTR (@KTRTRS) April 11, 2021
Thank you so much sir @KTRTRS 🙏 so happy you loved it #JathiRatnalu https://t.co/czkkj99Ynd
— Naveen Polishetty (@NaveenPolishety) April 11, 2021
