టాలీవుడ్‌లో ‘నేనొక్కడినే’, ‘దోచేయ్’ వంటి సినిమాలలో నటించిన బ్యూటీ కృతి సనన్. ఆ తర్వాత బాలీవుడ్‌లో ఒక్కసారిగా ఆఫర్లు రావడంతో ఇక అక్కడే మాక్కాం పెట్టేసింది. హిందీలో వరుస ఆఫర్లతో ఆమె అంత బిజీగా ఉంది. ఈ క్రమంలో ఈ ముద్దుగుమ్మకు అక్కడ మరో భారీ చాన్స్ వచ్చినట్టు సమాచారం. హృతిక్ రోషన్ హీరోగా రూపొందే ‘క్రిష్ 4’ సినిమాలో హీరోయిన్‌గా నటించే చాన్స్ కృతికి తాజాగా వచ్చినట్టు సమాచారం. మొదట్లో ఈ పాత్ర కోసం కత్రినా కైఫ్, అలియా భట్ వంటి టాప్ స్టార్ల పేర్లు వినిపించాయి. అయితే తాజా సమాచారం ప్రకారం, కృతి సనన్‌తో ఒప్పందం ఖరారైంది. ఒకవేళ ఇదే నిజమైతే కనుక కృతి రేంజ్ మరింత పెరిగిపోవడం ఖాయం. గతంలో క్రిష్ సీరీస్ లో వచ్చిన చిత్రాలు ప్రేక్షకులను ఎంతగానో అలరించాయి. ఇప్పుడీ క్రిష్ 4లో హృతిక్ ఏకంగా నాలుగు పాత్రలు పోషించనున్నట్టు చెబుతున్నారు. దర్శకుడు రాకేశ్ రోషన్ ఇప్పటికే స్క్రిప్టు పని పూర్తిచేస్తున్నారట.
క్రిష్ -4లో మహేష్ హీరోయిన్‌
