ఉప్పెన బ్యూటీ.. కృతి శెట్టికి .. ఇప్పుడు టాలీవుడ్ లో మంచి క్రేజ్ ఉంది. ఈ అమ్మడు ఆ జాబితాలో ‘ఆ అమ్మాయి గురించి మీకు చెప్పాలి’ .. ‘మాచర్ల నియోజకవర్గం’ .. ‘ది వారియర్’ సినిమాలు ఉన్నాయి.
తెలుగులో వరుస ప్రాజెక్టులతో బిజీగా ఉన్నప్పటికీ, కోలీవుడ్ నుంచి వచ్చిన అవకాశాలను మాత్రం అమ్మడు వదులుకోవడం లేదు. ఆల్రెడీ బాలా డైరెక్షన్‌లో రూపొందుతున్న సూర్య సినిమాలో నటిస్తోంది. ఇప్పటికే ఈ సినిమా కొంతవరకూ చిత్రీకరణ జరుపుకుంది. ఇక తాజాగా ధనుశ్ సినిమాకి కూడా గ్రీన్ సిగ్నల్ ఇచ్చినట్టుగా తెలుస్తుంది.
ధనుశ్ హీరోగా అరుణ్ మాథేశ్వరన్ ఒక సినిమాను రూపొందిస్తున్నాడు. ఈ సినిమాలో హీరోయిన్‌గా ప్రియాంక అరుళ్ మోహన్ పేరు వినిపించింది. అయితే ఇప్పుడు కృతి శెట్టి పేరు తెరపైకి వచ్చింది. మరి ప్రియాంకతో పాటు కృతి శెట్టిని తీసుకున్నారా? లేదంటే ప్రియాంకకు బదులుగా తీసుకున్నారా? అనే విషయంలో స్పష్టత రావలసి ఉంది.
