Krishnamma OTT: స‌త్య‌దేవ్ హీరోగా న‌టించిన తాజా చిత్రం ‘కృష్ణ‌మ్మ’. మే 10న థియేట‌ర్ల‌లో విడుదలైన ఈ సినిమా మిక్స్‌డ్‌ టాక్‌ తెచ్చుకుంది. యాక్ష‌న్ రివేంజ్ థ్రిల్ల‌ర్‌గా తెర‌కెక్కిన కృష్ణ‌మ్మ మూవీతో వీవీ గోపాల‌కృష్ణ డైరెక్ట‌ర్‌గా టాలీవుడ్‌లోకి పరిచయమైమ్యాడు. ఈ మూవీకి స్టార్‌ డైరెక్టర్‌ కొర‌టాల శివ ప్ర‌జెంట‌ర్‌గా వ్య‌వ‌హ‌రించారు.
దీంతో ఈ సినిమాపై మంచి బ‌జ్ ఏర్ప‌డింది. ప్ర‌మోష‌న్స్‌లో సుకుమార్‌తో పాటు ప‌లువురు అగ్ర ద‌ర్శ‌కులు పాల్గొన‌డం, ట్రైల‌ర్‌, టీజ‌ర్స్ ఆక‌ట్టుకోవ‌డంతో గ‌త వారం రిలీజైన తెలుగు సినిమాల్లో కృష్ణ‌మ్మపైనే ఎక్కువ అంచ‌నాలు ఏర్ప‌డ్డాయి. అయితే ఈ సినిమా విడుదలైన వారం రోజుల్లోనే ఓటీటీలోకి వచ్చేసింది. మే 17 నుంచి ఈ స్ట్రీమింగ్‌కు రావ‌డం ఇప్పుడు అంద‌రిని అశ్చ‌ర్యానికి గురి చేస్తోంది.
ఈ సినిమాలో స‌త్య‌దేవ్‌తో పాటు కృష్ణ బూరుగుల, ల‌క్ష్మ‌ణ్ మీసాల ప్ర‌ధాన పాత్ర‌లు పోషించారు. అతీరారాజ్ హీరోయిన్‌గా న‌టించింది. ఫ్రెండ్‌షిప్‌, లవ్, రివేంజ్ అంశాల‌తో ద‌ర్శ‌కుడు ఎంచుకున్న క‌థ‌లో కొత్త‌ద‌నం లేక‌పోవ‌డంతో కృష్ణ‌మ్మ ప్రేక్ష‌కుల్ని మెప్పించ‌లేక‌పోయింది.
దీంతో పాటు ఎల‌క్ష‌న్స్‌, ఐపీల్ నేప‌థ్యంలో సినిమాలు చూసేందుకు ప్రేక్ష‌కులు అంత‌గా ఆస‌క్తి చూప‌క‌పోవ‌డంతో ఈ సినిమా వ‌చ్చిన సంగ‌తి కూడా చాలా మందికి తెలియ‌దు. దీనికి తోడు థియేట‌ర్ల బంద్ స‌మ‌స్య వ‌ల్ల విడుదలైన వారంలోనే ఈ మూవీ ఓటీటీలోకి వ‌చ్చిన‌ట్లు చెబుతోన్నారు.
