టాలీవుడ్‌ స్టార్‌ హీరోలు రామ్‌ చరణ్‌, ఎన్టీఆర్‌ నటించిన మల్టీస్టారర్‌ మూవీ ‘ఆర్‌ఆర్‌ఆర్’. ఈ సినిమా కథ, కంటెంట్‌, స్టార్స్‌, మ్యూజిక్‌, యాక్టింగ్‌.. ఇలా ప్రతీదీ మూవీని ఒక్కో మెట్టు పైకి ఎక్కించిందే! రాజమౌళి తెరకెక్కించిన ఈ పాన్‌ ఇండియా చిత్రం ప్రపంచ వ్యాప్తంగా 1100 కోట్లకు పైగా వసూళ్లు సాధించి తెలుగు సినిమా ఖ్యాతిని మరోసారి రెపరెపలాడించింది. ఎమ్‌ఎమ్‌ కీరవాణి సంగీతం అందించాడు. ఆయనలో సంగీతం అందించిన ఒక్కో పాట ఒక్కో ఆణిముత్యంలా జనాలను హత్తుకుంది. రామరాజు చేతిలో కొమురం భీమ్‌ దెబ్బలు తినే సమయంలో వచ్చే కొమురం భీముడో పాట ప్రేక్షకుల హృదయాలను కదిలించకమానదు.
ఈరోజు సాయంత్రం కొమురం భీముడో.. కొమురం భీముడో.. అంటూ సాగే పాట ఫుల్‌ వీడియోను యూట్యూబ్‌లో రిలీజ్‌ చేసింది చిత్రయూనిట్‌. సుద్దా అశోక్‌ తేజ రాసిన లిరిక్స్‌ తూటాల్లా పేలగా కాల భైరవ తన గాత్రంతో పాటకు ప్రాణం పోశాడు. ప్రస్తుతం ఈ సాంగ్‌ సోషల్‌ మీడియాలో వైరల్‌గా మారింది.
