ప్రముఖ తమిళ నటి మీరా మిథున్ వివాదాస్పద వ్యాఖ్యలతో ఎప్పుడూ వార్తల్లో ఉంటుంది. ఇటీవల నటీనటులపై వివాదాస్పద వ్యాఖ్యలు చేస్తూ హాట్ టాపిక్ అయింది. మోడలింగ్ రంగం నుంచి కోలీవుడ్‌లోకి వచ్చిన ఈ ముద్దుగుమ్మ బిగ్‌బాస్ షోలో పార్టిసిపేట్ చేసి మరింత పాపులారిటీ సంపాదించింది. ఇప్పుడు తాజాగా మీరా మిథున్ నటిస్తున్న ఓ చిత్రంలో తన పద్ధతి మార్చుకోవాలని ఆ సినిమా దర్శకుడు హెచ్చరించాడట. ఎందుకంటే లొకేషన్‌లోనే సిగరెట్లు తాగుతూ ఉండటంపై అసహనం వ్యక్తం చేస్తూ చిరాకు పడినట్లు తెలుస్తోంది. మీరా మిథున్ నటిస్తున్న తాజాచిత్రానికి హీరో, దర్శకుడు కూడా కొత్తవాళ్లే. కౌశిక్ హీరోగా నటిస్తుండగా, అన్బరసన్‌ దర్శకత్వం వహిస్తున్నాడు.
