హరీష్‌ శంకర్ డైరెక్షన్‌లో పవన్‌ కళ్యాణ్‌ హీరోగా నటిస్తున్న చిత్రం ‘భవదీయుడు భగత్‌ సింగ్‌’. ఇప్పటికే ఈ సినిమా నుండి విడుదలైన గ్లింప్స్‌కు ఓ రెంజ్‌లో స్పందన వచ్చింది. ఇక ఇదిలా ఉంటే ఈ సినిమాకు సంబంధించిన ఓ ఆసక్తికర వార్త సోషల్‌ మీడియాలో వైరల్‌ అవుతుంది. ఈ సినిమాలో విలన్‌గా తమిళ నటుడు, దర్శకుడు ఆర్‌. పార్థీబన్‌ను తీసుకోబోతున్నారట.
ఆర్‌.పాబవన్‌.. ఈ పేరు వెంటనే స్ట్రయిక్‌ కాదేమో కానీ.. యుగానికొక్కడు సినిమాలో చోళరాజు అనగానే టపీమని గుర్తుకు వస్తుంది. ఇంకా చెప్పాలంటే రచ్చ ఫ్లాష్‌ బ్యాక్‌లో రామ్‌చరణ్‌ ఫాదర్‌గా చేసిన సూర్యనారాయణే ఈయన. మూడు దశాబ్దాల నట అనుభవం కలిగిన ఆయన తెలుగులో నేరుగా చేసింది ఒక్క సినిమానే. ఇక ఇప్పుడు మళ్లీ ఉస్తాద్‌తో రీ ఎంట్రీ ఇవ్వబోతున్నట్లు తెలుస్తుంది. యాక్షన్‌ ఎంటర్‌టైనర్‌గా తెరకెక్కుతున్న ఈ సినిమాలో పవన్‌కు జోడీగా శ్రీలీల నటిస్తుంది. మైత్రీ సంస్థ నిర్మిస్తున్న ఈ సినిమాకు దేవి స్వరాలు అందిస్తున్నాడు.
