Kiran Abbavaram KA movie story:
కిరణ్ అబ్బవరం గత కొంతకాలంగా ఫ్లాప్‌లతో సతమతమవుతున్నారు. ఆయన ఎంపిక చేసిన కథల పట్ల విమర్శలు వచ్చాయి. దీనికి పరిష్కారం కోసం కిరణ్ కొంత గ్యాప్ తీసుకుని కొత్త కథల ఎంపికపై దృష్టి పెట్టారు. ఇప్పుడు ఆయన మరోసారి ప్రేక్షకులను ఆకట్టుకునేందుకు కేఏ అనే మిస్టరీ థ్రిల్లర్‌తో రాబోతున్నారు. ఈ చిత్రం దీపావళి సందర్భంగా ప్రేక్షకుల ముందుకు రానుంది.
ఇప్పటి వరకు విడుదలైన టీజర్, ట్రైలర్ సినిమాపై ఆసక్తి పెంచాయి. ఇటీవల జరిగిన ప్రమోషనల్ ఈవెంట్‌లో కిరణ్ ఈ కథ బయట పెట్టేశారు. ఈ సినిమా కథ అభినయ్ వాసుదేవ్ అనే అనాథ చుట్టూ తిరుగుతుంది. అనాథగా ఉండటం వల్ల అతనికి ఇతరుల జీవితాలపై ఆసక్తి పెరుగుతుంది. పోస్ట్ మ్యాన్ గా మారి అతను కృష్ణగిరి అనే ప్రాంతానికి వెళ్లి ఉద్యోగంలో చేరతాడు. ఇతరుల లెటర్స్ చదివే అతను తల్లి ప్రేమ ఎలా ఉంటుందో తెలుసుకుంటాడు. కృష్ణగిరిలో ఏమి జరుగుతుందనేది ఈ సినిమా కథాంశం. ఇంతకంటే ఎక్కువ చెప్పలేను, దాదాపు ఫస్ట్ హాఫ్ మొత్తం చెప్పినట్లే అని అన్నారు కిరణ్ అబ్బవరం.
ఈ సినిమాలో థాన్వి రామ్, నయన్ సారిక హీరోయిన్ లుగా నటించారు. ఈ చిత్రాన్ని సుజిత్, సందీప్ సంయుక్తంగా దర్శకత్వం వహించారు. శ్రీచక్రాస్ ఎంటర్‌టైన్‌మెంట్స్ పతాకంపై చింత గోపాలకృష్ణారెడ్డి ఈ చిత్రాన్ని నిర్మించగా, వర లక్ష్మి ప్రెజెంటర్‌గా వ్యవహరిస్తున్నారు. సామ్ సీఎస్ సంగీతాన్ని అందించారు. ఈ సంగీతం ట్రైలర్‌లోనే ఆకట్టుకుంది.
కేఏ సినిమాకు ఇప్పటికే ఉన్న పాజిటివ్ బజ్‌కి, కిరణ్ అబ్బవరం తన కమ్‌బ్యాక్‌గా భావిస్తున్న ఈ చిత్రం ప్రేక్షకుల నుంచి సానుకూల స్పందన పొందే అవకాశాలు ఉన్నాయి.
Read More: Tirupati భక్తుల నగరంలో బాంబు బెదిరింపుల కలకలం – పోలీసులు అప్రమత్తం!
