టాలీవుడ్‌ యంగ్‌ హీరో కిరణ్‌ అబ్బవరం వరుస సినిమాలతో బిజీగా ఉన్నాడు. ఇటీవలే ‘సమ్మతమే’ సినిమాతో ప్రేక్షకుల ముందుకు వచ్చిన ఈ హీరో తాజాగా మరో కొత్త సినిమాతో అలరించేందుకు సిద్ధమయ్యాడు. శ్రీధర్‌ గాదే డైరెక్షన్‌లో యూత్‌ఫుల్‌, ఫ్యామిలీ కథాంశంతో రెడీ అవుతోన్న సినిమా ‘నేను మీకు కావాల్సిన వాడిని’. ఈ సినిమాలో సోనూ ఠాకూర్‌ హీరోయిన్‌గా నటిస్తోంది. తాజాగా ఈ మూవీ టీజర్‌ను విడుదల చేసింది చిత్రబృందం.
ఈ టీజర్‌ ఆద్యంతం ఆకట్టుకునేలా ఉంది. ఈ మూవీలో ప్రముఖ డైరెక్టర్‌ ఎస్‌వీ కృష్ణారెడ్డి కీలక పాత్రలో నటిస్తున్నట్లు తెలుస్తోంది. అలాగే కొరియోగ్రాఫర్‌ బాబా భాస్కర్‌ మాస్టర్‌, కిరణ్‌ అబ్బవరం మధ్య వచ్చే సీన్లు నవ్వు తెప్పించేలా ఉన్నాయి. ఈ సినిమాకు ప్రముఖ దర్శకుడు కోడి రామకృష్ణ కుమార్తె కోడి దివ్య దీప్తి నిర్మాతగా వ్యవహరిస్తున్నారు. ఈ సినిమాకు కిరణ్‌ అబ్బవరమే స్క్రీన్‌ప్లే, సంభాషణలు అందించడం విశేషం.
