టాలీవుడ్‌ యంగ్‌ హీరో కిరణ్ అబ్బవరం నటించిన తాజా చిత్రం ‘నేను మీకు బాగా కావాల్సినవాడిని’. ఈ సినిమా ప్రేక్షకుల ముందుకు రావడానికి రెడీ అవుతోంది. కోడి దివ్య నిర్మించిన ఈ సినిమాకి శ్రీధర్ దర్శకత్వం వహించాడు. ఈ సినిమాలో హీరోయిన్‌గా సంజనా ఆనంద్ పరిచయం కానుంది. తాజాగా ఈ సినిమా టీజర్ విడుదల తేదీని .. సమయాన్ని ప్రకటించారు.
ఈ నెల 10వ తేదీన ఉదయం 11:05 నిమిషాలకు ఈ సినిమా నుంచి టీజర్ ను విడుదల చేయనున్నట్టు ప్రకటించారు. అందుకు సంబంధించిన అధికారిక పోస్టర్ ను రిలీజ్ చేశారు. ఈ సినిమాకి మణిశర్మ సంగీతాన్ని అందించారు. వరుసగా రెండు ఫ్లాపులు చూసిన కిరణ్, ఈ సినిమాతో తప్పకుండా హిట్ కొడతాననే నమ్మకంతో ఉన్నాడు.
