కోలీవుడ్ స్టార్ హీరో ధనుష్‌ నటిస్తున్న తాజా చిత్రం ‘కెప్టెన్‌ మిల్లర్‌’. అరుణ్‌ మథేశ్వరన్‌ దర్శకత్వంలో యాక్షన్ థ్రిల్లర్‌ జోనర్‌లో వస్తోంది. కెప్టెన్‌ మిల్లర్‌ నుంచి ఫస్ట్ సింగిల్ కిల్లర్‌ కిల్లర్‌ ను ముందుగా ఈ రోజు విడుదల చేశారు. హేమచంద్ర పాడిన ఈ పాట గూస్‌బంప్స్ తెప్పించేలా ఉంది.
ఈ పాట సినిమాపై క్యూరియాసిటీ పెంచుతోంది. టైటిల్‌ ట్రాక్‌ సినిమాకే హైలెట్‌గా నిలిచిపోనుందనడంలో ఎలాంటి సందేహం లేదు. ధనుష్‌ కామ్రేడ్‌ అవతార్‌లో కనిపిస్తూ.. సమరానికి అందరినీ మేల్కొలుపుతున్నట్టుగా ఉన్న లుక్ ఇప్పటికే నెట్టింటిని షేక్ చేస్తోంది.
ఈ మూవీలో కోలీవుడ్ భామ ప్రియాంక అరుళ్‌ మోహన్‌ ఫీ మేల్ లీడ్‌ రోల్‌లో నటిస్తోంది. టాలీవుడ్ హీరో సందీప్‌ కిషన్‌, నివేదితా సతీశ్‌, అమెరికన్‌ యాక్టర్‌, ఆర్‌ఆర్‌ఆర్‌ ఫేం ఎడ్వర్డ్‌ సొన్నెన్‌బ్లిక్ ఇతర ప్రధాన పాత్రల్లో నటిస్తున్నారు.
