కేజీఎఫ్ సినిమాతో ప్రశాంత్ నీల్ పాన్ ఇండియా డైరెక్టర్ అయ్యాడు. కేజీఎఫ్ మూవీ మంచి హిట్ అందుకోవడమే కాకుండా బాక్సాఫీసును షేక్ చేసింది. ఇప్పుడు కేజీఎఫ్-3 కూడా ఉంటుందని అంటున్నారు.
కేజీఎఫ్ సినిమా తర్వాత ప్రశాంత్ నీల్ పేరు మార్మోగిపోయింది. దీంతో పెద్ద సినిమాలు చేతికి వచ్చాయి. ప్రస్తుతం ప్రభాస్‌తో సలార్ సినిమా తీస్తున్నాడు ప్రశాంత్ నీల్. ఈ సినిమాపై భారీ అంచనాలే ఉన్నాయి. కేజీఎఫ్-3 మూవీపైనా అభిమానుల్లో భారీ అంచనాలున్నాయి.
కేజీఎఫ్-3 గురించి ప్రశాంత్ నీల్ నుంచి ఓ ప్రకటన ఉంటుందని అభిమానులు ఎదురుచూస్తున్నారు. ఇప్పటివరకు దీనికి సంబంధించి ఎలాంటి ప్రకటన రాలేదు. కేజీఎఫ్ 2 క్లైమాక్స్‌ చూస్తే పార్ట్ 3 కూడా ఉంటుందని అర్థమవుతుంది.
ఇప్పటికే ప్రశాంత్ నీల్ డైరెక్ట్ చేస్తున్న సలార్ ఫస్ట్‌ గ్లింప్స్‌ రిలీజ్ అయ్యాయి. సలార్ మూవీ 2 భాగాలుగా రూపొందుతున్నట్టు చిత్రబృందం ప్రకటించింది. కేజీఎఫ్-3 తర్వాత సలార్ 2 సినిమా పనులు మొదలవుతాయని తెలుస్తోంది. ఈ సినిమా సెప్టెంబర్ 28న రిలీజ్ కానుంది.
ప్రశాంత్ నీల్, జూనియర్ ఎన్టీఆర్ కాంబోలో ఓ చిత్రం రానుంది. ప్రస్తుతం ఎన్టీఆర్ దేవర సినిమాతో బిజీగా ఉన్నాడు. ఈ చిత్రం షూటింగ్ జరుగుతోంది. సలార్ విడుదల తర్వాత ప్రశాంత్ నీల్ కేజీఎఫ్ 3 పనుల్లో బిజీ అవుతాడు. అందువల్ల ఎన్టీఆర్‌తో మూవీ ఆలస్యం అయ్యే అవకాశం ఉంది.
