కేజీఎఫ్‌ సినిమా ఎంతటి భారీ విజయం సాధించిందో తెలిసిందే. ఈ చిత్రం దర్శకుడు ప్రశాంత్‌ నీల్, హీరో యశ్‌కు దేశవ్యాప్తంగా గుర్తింపు తెచ్చిపెట్టింది. దీంతో చిత్రబృందం కేజీఎఫ్‌-2ను తెరకెక్కిస్తున్నారు. ప్రేక్షకులు ఎంతగానో ఆసక్తిగా ఎదురుచూస్తున్న యాక్షన్ థ్రిల్లర్ కేజీఎఫ్‌-2 గురించి చిత్రబృందం ఈ నెల 8న ఓ సర్‌ఫ్రైజ్ ఇవ్వబోతున్నట్లు తెలిపింది. ఎందుకంటే ఆరోజు యశ్ పుట్టినరోజు. కానీ అంతకంటే ఒకరోజు ముందుగానే కేజీఎఫ్‌-2 టీజర్‌ను విడుదల చేసి అభిమానులకు సర్‌ఫ్రైజ్ ఇచ్చారు. ఇప్పుడు ప్రేక్షకుల్లో మరింత ఆసక్తి పెరిగింది. టీజర్‌ను చూస్తుంటే కేజీఎఫ్‌ను మించి కేజీఎఫ్‌-2ను తీర్చిదిద్దినట్టుగా ఉంది. అభిమానుల అంచనాలకు ఏమాత్రం తగ్గని రేంజ్‌లో కనపడుతోంది. ఈ చిత్రం షూటింగ్ శరవేగంగా జరుపుతున్నారు. బాలీవుడ్ నటుడు సంజయ్ దత్ ఈ చిత్రంలో విలన్‌గా కనిపించనున్నారు. రవీనాటాండన్, ప్రకాష్‌రాజ్, రావురమేష్‌ ఇతర ముఖ్య పాత్రలు పోషించనున్నారు.
