గత కొంత కాలంగా వరుస విజయాలతో దూసుకు వెళ్తున్న అజిత్.. శివ దర్శకత్వంలో మరో చిత్రం చేయడానికి రెడీ అవుతున్నాడు. ఈ దర్శకుడితో గతంలో ఆయన చేసిన ‘వీరమ్’.. ‘వేదాళం’.. ‘వివేగం’ భారీ విజయాలను సాధించాయి. అయితే ఈ సినిమాలో అజిత్ ద్విపాత్రాభినయం చేస్తున్నాడు. ఇప్పటికే ఈ సినిమాకు ‘విశ్వాసం’ అనే టైటిల్ కూడా ఫిక్స్ అయ్యింది. ద్విపాత్రాభినయం చేస్తున్న అజిత్ సరసన మళయాళ బ్యూటీ కీర్తి సురేష్ ని హీరోయిన్ ఎంపిక చేసినట్లు తెలుస్తుంది.
గతంలో ఓ ఇంటర్వ్యూలో తమిళ హీరోల్లో అజిత్ అంటే బాగా ఇష్టమని ఆయనతో ఒక్క సినిమా అయినా చేయాలని ఉందని కీర్తి సురేష్ అన్నారు. తాజాగా ‘విశ్వాసం’ చిత్రంతో ఈ అమ్మడు అజిత్ సరసన నటించే అవకాశం దక్కించుకోవడంతో ఆమె కల నెరవేరబోతుందనే చెప్పాలి.
