మలయాళ కీర్తి సురేష్‌ కి కెరీర్‌ అనతికాలంలోనే మంచి నటిగా పేరుతెచ్చుకుంది. ‘మహానటి’ సినిమా ఆమెకు ఎంతో పేరును తెచ్చిపెట్టింది. నాటి మహానటి సావిత్రి పాత్రలోచక్కని అభినయాన్ని ప్రదర్శించి అవార్డులు సైతం అందుకుంది. ఈ క్రమంలో ఈ ముద్దుగుమ్మకు పలు సినిమాలలో హీరోయిన్‌గా నటించే అవకాశాలు వెతుక్కుంటూ వచ్చాయి. ప్రస్తుతం మహేష్‌ బాబు సరసన ‘సర్కారు వారి పాట’ చిత్రంలో నటిస్తూ, తన స్థాయిని మరింత పెంచుకుంది.
ఇప్పుడీ ముద్దుగుమ్మకు అరుదైన గుర్తింపు లభించింది. ప్రఖ్యాత ఫోర్బ్స్ మేగజైన్ ఆమె ప్రతిభను గుర్తించింది. ఈ ఏడాది వినోద రంగంలో 30 ఏళ్ల లోపు వారి నుంచి 30 మందిప్రతిభావంతులను ఎంపిక చేస్తూ, ఫోర్బ్స్ మేగజీన్ ఓ జాబితాను ప్రకటించింది. అందులో కీర్తి సురేశ్ కి 28వ ర్యాంకును ఇచ్చింది. దీంతో కీర్తి సురేష్‌ ప్రశంసలు వస్తున్నాయి. ఈ జాబితాలో చోటు దక్కించుకోగలగడం చాలా పెద్ద గౌరవంగా ఉందని చెబుతూ కీర్తి సురేష్‌ ఆనందాన్ని వ్యక్తం చేసింది. ఫోర్బ్స్ మేగజీన్ కు కృతజ్ఞతలు తెలిపింది.
