టాలీవుడ్ దర్శకుడు తరుణ్‌ భాస్కర్‌ తెరకెక్కిస్తున్న తాజా చిత్రం ‘కీడా కోలా’. ఇటీవలే విడుదలైన టీజర్ ఈ సినిమాపై మంచి బజ్‌ని క్రియేట్‌ చేసింది. నిన్ననే తెలుగు రాష్ట్రాల డిస్ట్రిబ్యూషన్ కూడా కంప్లీట్ అయ్యి అంతా పాజిటివ్ వైబ్స్ లో వెళ్తున్న సమయంలో ఇప్పుడు చేదు వార్త ఎదురైంది.
కీడా కోలా లో నటించిన ఓ యంగ్ ఆర్టిస్ట్ హరికాంత్‌ శనివారం ఉదయం గుండెపోటు రావడంతో హఠాన్మరణం చెందాడు. ఆయన నటించిన సినిమా ఇంకా రిలీజ్ కూడా కాకముందే ఇలా జరగడటం మరింత దురదృష్టకరం. 33 ఏళ్ల హరికాంత్‌ మృతిపట్ల పలువురు టాలీవుడ్ సెలబ్రెటీలు సంతాపం తెలియజేస్తున్నారు.
