టాలీవుడ్‌ యంగ్ హీరో తిృగున్, పూజిత పొన్నాడ జంటగా నటిస్తున్న కొత్త సినిమా ‘కథ కంచికి మనం ఇంటికి’. యమ్.పి ఆర్ట్స్ బ్యానర్‌పై మోనిష్ పత్తిపాటి నిర్మిస్తున్న ఈ చిత్రానికి చాణిక్య చిన్న దర్శకత్వం వహిస్తున్నారు. కామెడీ హారర్‌గా తెరకెక్కిన ఈ మూవీ మార్చి 18న థియేటర్స్‌లో విడుదల కానుంది. ఈ నేపథ్యంలో తాజాగా ఈ చిత్రం ట్రైలర్ ని విడుదల చేశారు మేకర్స్‌.
తిృగున్, పూజిత మధ్య ప్రేమతో మొదలైన ఈ ట్రైలర్.. హార్రర్ జోనర్‌లోకి టర్న్ తీసుకుంటుంది. ఆ తర్వాత చివరి వరకు ఆహ్లాదకరంగానే సాగింది. సప్తగిరి, గెటప్‌ శ్రీనుల కామెడీ నవ్వులు పూయిస్తుంది. ట్రైలర్ మాదిరే సినిమా కూడా ఆద్యంతం ఆసక్తికరంగా ఉంటుందని దర్శక నిర్మాతలు పేర్కొన్నారు. భీమ్స్ సిసిరోలియో సంగీతం అందిస్తున్న ఈ సినిమాకు.. వైయస్ కృష్ణ సినిమాటోగ్రఫీ అందిస్తున్నారు. సినిమాకు సంబంధించిన మరిన్ని వివరాలు త్వరలోనే తెలియజేయనున్నారు.
