కార్తి హీరోగా నటించిన చిత్రం ‘సర్దార్’. పీఎస్ మిత్రన్ డైరెక్షన్‌లో వచ్చిన ఈ సినిమా ఈ నెల 21వ తేదీన ప్రపంచవ్యాప్తంగా విడుదలై.. వసూళ్ల పరంగా దూసుకుపోతోంది. ప్రపంచవ్యాప్తంగా 5 రోజుల్లో 50 కోట్ల మార్కును టచ్ చేసింది. దగ్గరలో పోటీ ఇచ్చే సినిమాలేవీ లేకపోవడం వలన, ఈ సినిమా వసూళ్ల జోరు కొనసాగే అవకాశం ఉంది.
వాటర్ మాఫియా ఎలా విస్తరిస్తోంది .. భవిష్యత్ తరాలవారు మంచినీళ్ల కోసం ఎంతగా ఇబ్బంది పడతారు అనే పాయింట్ చుట్టూ ఈ కథ తిరుగుతుంది. లవ్, యాక్షన్, ఎమోషన్ చుట్టూ నడిచే ఈ కథలో, ప్రధానమైన పాత్రలను తీర్చిదిద్దిన విధానం ఆకట్టుకుంటోంది. రాశి ఖన్నా – రజీషా విజయన్ హీరోయిన్‌లుగా నటించిన ఈ సినిమాలో కార్తి ద్విపాత్రాభినయం చేశారు.
ఈ సినిమాకి సీక్వెల్ ఉండనుందనే విషయాన్ని ప్రకటిస్తూ .. త్వరలో సెట్స్ పైకి వెళ్లనున్నట్టుగా అధికారిక ప్రకటన చేశారు. ప్రస్తుతం కార్తి ‘పొన్నియిన్ సెల్వన్ 2, ఖైదీ 2’, ‘సర్దార్ 2’ సినిమాలతో బిజీగా ఉన్నాడు.
