అక్కినేని సుమంత్ హీరోగా నటిస్తున్న క్రైమ్ థ్రిల్లర్ మూవీ “కపటధారి”. కన్నడ హిట్ ‘కావలధారి’ సినిమాకు రీమేక్ గా తెలుగులో ప్రదీప్ కృష్ణమూర్తి దర్శకత్వం వహిస్తున్నాడు. క్రియేటివ్ ఎంటర్టైనర్స్ మరియు బొఫ్తా మీడియా బ్యానర్ పై ధనుంజయన్ నిర్మించాడు. ఇప్పటికే టీజర్, ట్రైలర్ సినిమాపై ఆసక్తిని కలిగించాయి. తాజాగా ఈ చిత్ర థీమ్ ట్రైలర్‌ను చిత్రయూనిట్‌ విడుదల చేసింది. మర్డర్ మిస్టరీని చేధించే ట్రాఫిక్ పోలీస్ ఆఫీసర్ కథే ఈ చిత్రం అని థీమ్ ట్రైలర్ చూస్తుంటే తెలుస్తోంది. రేపు ఈ చిత్ర ప్రీ రిలీజ్ వేడుకను గ్రాండ్‌గా నిర్వహించనున్నారు. ఫిబ్రవరి 19న ఈ చిత్రం ప్రక్షకుల ముందుకు రానుంది.
‘కపటధారి’ థీమ్ ట్రైలర్
