త‌మిళ సూప‌ర్ స్టార్ ర‌జినీకాంత్ ప్రధాన పాత్రలో.. పి వాసు డైరెక్షన్‌లో వచ్చిన ‘చంద్రముఖి’ చిత్రానికి సీక్వెల్‌ వస్తోన్న సంగతి తెలిసిందే. రాఘ‌వా లారెన్స్ లీడ్ రోల్‌లో ‘చంద్రముఖి 2’ చిత్రాన్ని లైకా ప్రొడ‌క్షన్స్ భారీ స్థాయిలో తెరకెక్కిస్తోంది. కాగా ఈ చిత్రంలో బాలీవుడ్ క్వీన్ కంగనా రనౌత్ కీ రోల్‌ పోషిస్తుండగా.. ఇప్పటికే ఫ్యాన్స్ క్రియేట్‌ చేసిన కంగనా లుక్స్ నెట్టింట హల్‌ చల్‌ చేస్తున్నాయి.
తాజా అప్‌డేట్ తెరపైకి వచ్చింది. చంద్రముఖి 2 సెట్స్‌లో జాయిన్ అయింది కంగనా. ఈ విషయాన్ని సోషల్ మీడియా ద్వారా తెలియజేసింది. ప్రీక్వెల్‌ పార్టులో జ్యోతిక పోషించిన పాత్రలో మెరవనుంది కంగనారనౌత్‌. తమ అభిమాన హీరోయిన్‌ ఈ ఐకానిక్‌ రోల్‌లో ఎలా కనిపించబోతుందని ఆసక్తిగా ఎదురుచూస్తున్నారు అభిమానులు. కాగా ఈ సినిమాలో లెజెండ‌రీ కమెడియ‌న్ వడివేలు కీలక పాత్రలో నటిస్తున్నాడు. ఎంఎం కీర‌వాణి మ్యూజిక్‌ అందిస్తున్నాడు.
