విలక్షణ నటుడు కమల్‌ హాసన్‌ నటిస్తున్న చిత్రం `విక్రమ్‌`. యంగ్‌ టాలెంటెడ్‌ డైరెక్టర్‌ లోకేష్‌ కనగరాజ్‌ దర్శకత్వంలో రూపొందుతున్న ఈ చిత్రంలో విజయ్‌ సేతుపతి, ఫహద్‌ ఫాజిల్‌ కీలక పాత్రలు పోషిస్తున్నారు. రాజ్‌కమల్‌ ఫిల్మ్స్ పతాకంపై కమల్‌ హాసన్‌ ఈ చిత్రాన్ని నిర్మిస్తున్నారు. శరవేగంగా చిత్రీకరణ జరుపుకుంటోన్న ఈ చిత్రం విడుదలకు సిద్ధమవుతుంది. ముగ్గురు స్టార్ హీరోలు నటిస్తున్న ఈ చిత్రంపై భారీ అంచనాలున్నాయ.. ఈ చిత్రం జూన్‌ 3న విడుదల కానుంది.
ఈ సినిమాను శ్రేష్ట్‌ మూవీస్‌పై నిర్మాత సుధాకర్‌ రెడ్డి తెలుగులో విడుదల చేస్తున్నారు. కాగా కమల్‌హాసన్‌ను చెన్నైలో కలిశారు సుధాకర్‌ రెడ్డి. ఈ సందర్భంగా ఆయన మాట్లాడుతూ– ‘‘భారీ యాక్షన్‌ థ్రిల్లర్‌ చిత్రం ‘విక్రమ్‌’. ఆంధ్రప్రదేశ్, తెలంగాణలో 400కు పైగా థియేటర్లలో ఈ సినిమాను విడుదల చేస్తున్నాం’’ అన్నారు.
