కమల్‌ హాసన్, దర్శకుడు శంకర్‌ కాంబినేషన్‌లో 1996లో వచ్చిన సూపర్‌ హిట్‌ ఫిల్మ్‌ ‘ఇండియన్‌’ (తెలుగులో ‘భారతీయుడు’). ఈ సినిమాకు సీక్వెల్‌గా ‘ఇండియన్‌ 2′(తెలుగులో ‘భారతీయుడు 2’) రూపొందుతోంది. ‘ఇండియన్‌’ సినిమాకు దర్శకత్వం వహించిన శంకరే ‘ఇండియన్‌ 2’ను తెరకెక్కిస్తున్నారు.
ఈ సినిమాలో కాజల్‌ అగర్వాల్‌ హీరోయిన్‌గా నటించగా, సిద్ధార్థ్, బాబీ సింహా, రకుల్‌ ప్రీత్‌సింగ్‌ కీలకపాత్రలు పోషించారు. సుభాస్కరన్, ఉధయనిధి స్టాలిన్‌ నిర్మించిన ‘ఇండియన్‌ 2’ కి అనిరుద్‌ సంగీతం అదిస్తున్నాడు. మొదటి నుండి అనేక సమస్యలను ఎదుర్కొంటున్న ఈ సినిమా త్వరలో ప్రేక్షకుల ముందుకు రానున్నట్లు తెలుస్తుంది.
ఈ ఏడాది మేలో విడుదల కానుందనే టాక్‌ కోలీవుడ్‌లో వినిపిస్తోంది. ఇందుకు సంబంధించిన పనులను కూడా ప్రారంభించారట. దీనికి సంబంధించి త్వరలోనే ‘ఇండియన్‌ 2’ సినిమా రిలీజ్‌ గురించిన అధికారిక ప్రకటన కూడా రానుందని వినికిడి.
