Kamal Haasan about Bharateeyudu 2:
కమల్ హాసన్ హీరోగా నటిస్తున్న భారతీయుడు 2 సినిమా జులై 19న విడుదలకు సిద్ధమవుతోంది. అయితే ఈ సినిమా రెండు భాగాలుగా విడుదల కాబోతున్న సంగతి తెలిసిందే. ఈ సినిమాకి రెండవ భాగమైన భారతీయుడు 3 వచ్చే ఏడాది విడుదల కాబోతోంది.
అయితే సినిమా ప్రమోషన్స్ భారీగా జరుగుతున్న సమయంలో కమల్ హాసన్ భారతీయుడు 3 గురించి చాలా గొప్పగా మాట్లాడుతున్నారు. సినిమా గురించి గొప్పగా చెప్పడంలో తప్పులేదు కానీ ఇంకా మొదలు కూడా కానీ ఇండియన్ 3 గురించి బోలెడన్ని కబుర్లు చెప్తున్నా కమల్ హాసన్ ఇండియన్ 2 గురించి మాత్రం పెద్దగా మాట్లాడటం లేదు.
ఎంతసేపు ఇండియన్ 3 సినిమా కోసమే ఇండియన్ 2 సినిమా చేశానని, ఇండియన్ 3 చాలా చాలా బాగుంటుంది అంటూ బోలెడు కామెంట్లు చేశారు. ఈ నేపథ్యంలో ఇండియన్ 3 సంగతి పక్కన పెడితే ఇండియన్ 2 అసలు ఏమాత్రం బాగుండదా అంటూ అభిమానులు సైతం ప్రశ్నలు వర్షం కురిపించారు.
తాజాగా ఇంటర్వ్యూలో దీని గురించి కూడా కమల్ హాసన్ స్పందించారు. ఇండియన్ 2 పూర్తయిపోయింది కాబట్టి ఇప్పుడు తన మనసంతా ఇండియన్ త్రీ మీదే ఉంది అని అంతేతప్ప ఇండియన్ 2 సినిమా బాగోదని కాదని అన్నారు కమల్ హాసన్. ఇండియన్ 2 సినిమా కూడా చాలా బాగా వచ్చిందని చెప్పారు.
రసం, సాంబార్ తినేశాక మనకి పాయసం మీద దృష్టి ఉంటుంది అలాగే తనకి ఇండియన్ 3 మీద దృష్టి మళ్లింది అని అన్నారు కమల్ హాసన్. దీంతో కంపారిజన్ ఎలా ఉన్నా సినిమా బాగుంటే చాలు అని అభిమానులు కామెంట్లు చేస్తున్నారు.
శంకర్ దర్శకత్వంలో 1996 లో విడుదలై బ్లాక్ బస్టర్ అయిన భారతీయుడు సినిమాకి సీక్వెల్ గా తెరకెక్కుతున్న భారతీయుడు 2 లో సిద్ధార్థ, ఎస్ జె సూర్య, రకుల్ ప్రీత్ సింగ్ కీలక పాత్రల్లో కనిపించనున్నారు.
