హీరో నందమూరి కళ్యాణ్ రామ్ పుట్టిన రోజు ఈ రోజు. ఈ సందర్భంగా శుభాకాంక్షలు తెలియజేస్తూ, దిల్ రాజు బ్యానర్ నుంచి ఒక ఎనౌన్స్ మెంట్ పోస్టర్ ను వదిలారు. దిల్ రాజు బ్యానర్లో .. కేవీ గుహన్ దర్శకత్వంలో .. కళ్యాణ్ రామ్ హీరోగా ఒక సినిమా రూపొందనుందనేది ఈ పోస్టర్ సారాంశం. కల్యాణ్ రామ్ – కేవీ గుహన్ కాంబినేషన్లో గతంలో వచ్చిన ‘118’ భారీ విజయాన్ని సాధించింది. కళ్యాణ్ రామ్ చాలా గ్యాప్ తరువాత ఈ సినిమాతో హిట్ అందుకున్నాడు.
కేవీ గుహన్ ఫేమస్ సినిమాటోగ్రఫర్ కావడం వలన, ఆయన టేకింగ్ కి మంచి మార్కులు పడిపోయాయి. ఈనేపథ్యంలో ఈ ఇద్దరి కాంబినేషన్ మరోసారి సెట్స్ పైకి వెళుతుంది. మరో డిఫరెంట్‌ రోల్‌లో కళ్యాణ్‌రామ్‌ను చూపించడానికి గుహన్ సరికొత్త కథాంశంతో స్క్రిప్ట్‌ను సిద్ధం చేశారు. కళ్యాణ్‌రామ్‌ నటిస్తోన్న 20వ చిత్రమిది. త్వరలోనే ప్రారంభం కాబోయే ఈ సినిమాలోని ఇతర నటీనటులు, సాంకేతిక నిపుణులు గురించి త్వరలోనే తెలియజేస్తామని చిత్ర యూనిట్‌ ప్రకటించింది. ప్రస్తుతం కల్యాణ్ రామ్ ‘బింబిసార’ తో బిజీగా ఉన్నాడు. ఆ తరువాత మరో ఇద్దరు కొత్త దర్శకులకు గ్రీన్ సిగ్నల్ ఇచ్చేసి ఉన్నాడు.
