Kalki 2898 AD OTT:
యంగ్ రెబల్ స్టార్ ప్రభాస్ హీరోగా నటించిన కల్కి 2898 ఏడి సినిమా ఇప్పుడు ఇండస్ట్రీ మొత్తం హాట్ టాపిక్ గా మారింది. అభిమానుల నుంచి సెలబ్రిటీల దాకా అందరూ సినిమాపై ప్రశంసల వర్షం కురిపిస్తున్నారు. ఈ సినిమా రెండవ భాగం కోసం కూడా చాలా ఆసక్తిగా ఎదురుచూస్తున్నారు. మరోవైపు సినిమా మాత్రం విడుదల ఎన్ని రోజులు గడుస్తున్నా కూడా కలెక్షన్లు భారీగా పెరుగుతున్నాయి తప్ప తగ్గడం లేదు.
కల్కి సినిమాతో ప్రభాస్ మర్చిపోలేని బ్లాక్ బస్టర్ అందుకున్నారు. అమితాబ్ బచ్చన్, దీపిక పడుకొనే, కమల్ హాసన్ వంటి స్టార్ నటులు కీలక పాత్రలలో కనిపించిన ఈ సినిమాలో చాలామంది స్టార్లు క్యామియో పాత్రలలో కూడా కనిపించారు.
ఇక ఈ సినిమా ఎప్పుడు ఎప్పుడు ఓటీటీలలో విడుదలవుతుందా అని అభిమానులు ఆసక్తిగా ఎదురుచూస్తున్నారు. సినిమా విడుదల గురించి ఇప్పటికే చాలా ఊహగానాలు వినిపించాయి. సినిమా థియేటర్లలో ఉండగానే ఓటీటీలలో కూడా విడుదలవుతుందేమోనని అభిమానులు సైతం భయపడ్డారు.
సినిమా జూన్ ఆఖరిలో విడుదలైంది కాబట్టి జూలై ఆఖరి నుంచి ఈ సినిమా ఓటీటీలోకి వచ్చేయాలి. కానీ సినిమా బ్లాక్ బస్టర్ అయింది. ఇప్పటికీ కూడా థియేటర్లలో స్ట్రాంగ్ గా వసూళ్లు నమోదు చేస్తోంది. కాబట్టి ఇలాంటి సమయంలో సినిమాని ఓటీటీలో విడుదల చేయడం మంచిది కాదు. అందుకే సినిమా డిజిటల్ రిలీజ్ మరికొద్ది రోజులు వాయిదా పడింది.
తాజా సమాచారం ప్రకారం కల్కి 2898 ఏడి సినిమా ఆగస్టు నెల ఆఖరి నుంచి ఓటీటీలలోకి వచ్చే అవకాశం ఎక్కువగా ఉన్నట్లు తెలుస్తోంది. తెలుగు, తమిళ్, మలయాళం, కన్నడ వర్షన్ లు అమెజాన్ ప్రైమ్ వీడియోలో స్ట్రీమ్ కాబోతున్నాయి. కాగా డిజిటల్ దిగ్గజం నెట్ఫ్లిక్స్ వారు సినిమా హిందీ వర్షన్ రైట్స్ కొనుగోలు చేసిన సంగతి తెలిసిందే.
అయితే చాలామంది ప్రేక్షకులు ఇప్పటికే సినిమాని చూసేశారు. ఇప్పటికీ చూడని వాళ్ళు ఉన్నా కూడా త్వరలో థియేటర్లకి వెళ్లి చూసే అవకాశాలు ఎక్కువగా ఉంటాయి.
కల్కి సినిమాలో ముఖ్యంగా ఉన్నది విజువల్ ఎఫెక్ట్స్. ఇంట్లో చూడటం కంటే ఇలాంటి సినిమాలు థియేటర్లను చూస్తేనే మంచి ఎక్స్పీరియన్స్ ఉంటుంది. కాబట్టి ఆల్రెడీ థియేటర్లలో చూసేసిన వాళ్ళు ఓటిటిలో చూస్తారు తప్ప మొదటిసారి ఓటీటీలో సినిమా చూసేవాళ్ళు తక్కువే అని చెప్పవచ్చు.
