సూపర్‌ స్టార్‌ మహేశ్‌బాబు, కీర్తి సురేశ్‌ హీరోహీరోయిన్‌లుగా నటించిన తాజా చిత్రం ‘సర్కారువారి పాట’. పరశురామ్‌ డైరెక్షన్‌లో వస్తున్న ఈ సినిమాని జిఎంబి ప్రొడక్షన్స్, మైత్రి మూవీ మేకర్స్, 14 రీల్స్ సంయుక్తంగా నిర్మిస్తున్నారు. ఈ సినిమాపై భారీ అంచనాలు ఉన్నాయి. వాలెంటైన్స్‌ డే సందర్భంగా ఈ సినిమాలోని ఫస్ట్‌ లిరికల్‌ సాంగ్‌ కళావతి పాట విడుదల చేయాల్సి ఉండగా, ఒకరోజు ముందుగానే ఆన్‌లైన్‌లో లీకైన సంగతి తెలిసిందే.
దీంతో ఈ పాటను షెడ్యూల్‌కి ఒకరోజు ముందే మేకర్స్ అధికారికంగా విడుదల చేశారు. ‘వందో, ఒక వెయ్యో, ఒకలక్షో మెరుపులు దూకినాయా.. ఏందే ఈ మాయ, కమా కమాన్‌ కళావతి.. నువ్వే లేకుంటే అదోగతి’ అంటూ సాగే లిరిక్స్‌ ఆకట్టుకుంటాయి. మ్యూజిక్‌ సెన్సెషన్‌ తమన్‌ స్వరాలు అందించిన ఈ పాటను సింగర్‌ సిద్‌ శ్రీరామ్‌ ఆలపించాడు. మే 12వ తేదీన ఈ చిత్రం ప్రపంచవ్యాప్తంగా విడుదల కానుంది.
