ఓటీటీకి డిమాండ్‌ పెరగడంతో స్టార్ హీరోలు, హీరోయిన్లు వ‌రుస‌గా డిజిట‌ల్ ఎంట్రీ ఇచ్చేస్తున్నారు. ఈ జాబితాలో టాలీవుడ్‌ చందమామ కాజల్ అగ‌ర్వాల్ కూడా చేరింది. కాజల్ ప్రధాన పాత్రలో తెర‌కెక్కిన వెబ్ సిరీస్.. లైవ్ టెలికాస్ట్. టాప్ ఓటీటీ ఫ్లాట్ ఫామ్ డిస్నీ హాట్ స్టార్ ఈ సిరీస్ తెరకెక్కించింది. కాజ‌ల్‌తో పాటు వైభ‌వ్, ఆనంది కీల‌క పాత్రలు పోషించారు. త‌మిళ దర్శకుడు వెంక‌ట్ ప్రభు ఈ సిరీస్‌కు దర్శకత్వం వహిస్తున్నాడు. తాజాగా ఈ సిరీస్ ట్రైలర్ విడుదలైంది. ఇందులో కాజల్ టీవీ ఛానెల్ రిపోర్టర్ గా కనిపించనుంది. ఈ ట్రైలర్ ఆస‌క్తికరంగా ఉంది. హారర్ కామెడీని ఇష్టపడేవారు మెచ్చేలా ఉంది. పెళ్ళి తర్వాత కాజల్ తో చేస్తున్న ఈ ‘లైవ్ షో’ సిరీస్‌తో అయినా ఆడియన్స్ ను మెప్పిస్తాడని భావిద్దాం. ఫిబ్ర‌వ‌రి 12న లైవ్ టెలికాస్ట్ స్ట్రీమింగ్ కానుంది.
పెళ్ళి తరువాత కాజల్ ‘లైవ్ షో’ సిరీస్ ట్రైలర్
