Kajal Agarwal Upcoming Movies:
ఇండస్ట్రీలో ఉన్న స్టార్ హీరోయిన్లలో కాజల్ పేరు ఇప్పటికీ ముందే ఉంటుంది. సీనియర్ హీరోలతో పాటు స్టార్ హీరోలు అందరితోనూ కలిసి నటించిన కాజల్ అగర్వాల్ గత కొంతకాలంగా మాత్రం సినిమాల కోసం ఇబ్బందులు పడుతోంది. ఈమె ఎక్కువ సరైన ఆఫర్లు రావడం లేదు అని అభిమానులు సైతం ఆందోళన వ్యక్తం చేస్తున్నారు. సినిమా ఆఫర్లు వచ్చిన అవి వచ్చినట్టే వచ్చి చేయి జారిపోతున్నాయి అని మరికొందరు వాపోతున్నారు.
ఇంతకుముందు కూడా మెగాస్టార్ చిరంజీవి నటించిన ఆచార్య చిత్రంలో ఆమె పాత్ర ఉంటుంది ఉంటుంది అంటూ ఆఖరి నిమిషంలో ఫైనల్ కట్ నుంచి తొలగించారు. సినిమాలో ఆమె షూటింగ్ కూడా చేసింది కానీ కనీసం ఆమెకు క్రెడిట్ కూడా దక్కలేదు. అక్కడినుంచి కాజల్ కెరియర్ అయోమయంగా మారింది.
చాలా మంది హీరోయిన్లు కెరీర్ గ్రాఫ్ తో సంబంధం లేకుండా పెద్ద ప్రాజెక్టుల్లో అవకాశాలు పొందుతుంటారు. ఉదాహరణగా తమన్నా గురించి కూడా చెప్పుకోవచ్చు. ఒక రకంగా కాజల్ కూడా ఇదే కోవా కి చెందినప్పటికీ కొద్దిరోజులతో మాత్రం ఈమె టైం అసలు బగోవడం లేదు. కాజల్ కష్టానికి తగ్గ ప్రతిఫలం కూడా లభించడం లేదు.
ఆచార్యలో తన పాత్రని సైడ్ చేసేశారు. తాజాగా భారతీయుడు సినిమాలో కూడా కాజల్ అగర్వాల్ నటించాల్సి ఉంది. కానీ ఆమె పాత్ర భారతీయుడు 3 లోనే వస్తుంది అంటూ 2 నుంచి ఆమెని సైడ్ చేసేసారు. ఈ మధ్యనే సత్య భామ అనే సినిమాతో ఫిమేల్ సెంట్రిక్ సినిమా చేసింది కానీ అదీ వర్క్ అవుట్ అవలేదు.
పోనీ భారతీయుడు 2 సినిమా విడుదలయ్యి ఆమెకు ఆఫర్లు తెచ్చిపెడుతుందా అంటే ఆమె పాత్ర సినిమాలో లేనే లేదు. భారతీయుడు 3 విడుదలకి కనీసం ఆరు ఏడు నెలల సమయం పడుతుంది. మరి ఈ గ్యాప్ లో కాజల్ అగర్వాల్ కి ఆఫర్లు రావడం కష్టమే. భారతీయుడు 3 విడుదలయ్యాకైనా కాజల్ కెరియర్ మారుతుందో లేదో చూడాలి.
