నటి జ్యోతిక గురించి ప్రత్యేకించి చెప్పనవసరం లేదు. 20 సంవత్సరాల క్రితం తమిళంలో స్టార్‌ హీరోయిన్‌గా హావా చాటింది. ఇక తెలుగులో ఠాగూర్, బాస్, వంటి సూపర్ హిట్ సినిమాలతో పాటు పలు తెలుగు డబ్బింగ్‌ సినిమాతో ఇక్కడ కూడా బాగానే గుర్తింపు తెచ్చుకుంది. ఇక తమిళంలో ఆమె నటించిన ‘చంద్రముఖి’ని తెలుగు సినిమాగానే ప్రేక్షకులు భావించారు. ఈ సినిమాతో ఆమె నటన నెక్ట్స్‌ లెవల్‌.
సూర్యతో పెళ్లి తరువాత జ్యోతిక సినిమాలను పక్కన పెట్టేసింది. ఈ మధ్యనే రీ ఎంట్రీ ఇచ్చిన జ్యోతిక కేవలం లేడీ ఓరియంటెడ్‌ సినిమాలు మాత్రమే చేస్తుంది. ఈ నేపథ్యంలోనే విజయ్ సినిమాలో ఆమె ఒక ముఖ్యమైన పాత్రను చేయనున్నట్టుగా తెలుస్తోంది. ఈ సినిమాకి వెంకట్ ప్రభు దర్శకత్వం వహిస్తున్నాడు.
గతంలో విజయ్ జోడీగా జ్యోతిక ఖుషి, తిరుమలై సినిమాలు చేసింది. ఈ రెండూ కూడా సూపర్ హిట్ సినిమాలే. మళ్లీ ఇంతకాలానికి ఆమె విజయ్ సినిమాలో ఒక కీలకమైన పాత్రలో కనిపించనుంది. ప్రస్తుతం విజయ్ చేస్తున్న ‘లియో’ పూర్తికాగానే, ఈ సినిమా సెట్స్ పైకి వెళుతుందని అంటున్నారు.
