టాలీవుడ్ స్టార్ హీరో ఎన్టీఆర్.. రామ్ చరణ్ గారాల పట్టి క్లీంకారా కు ఓ సర్‌ప్రైజ్‌ గిప్ట్‌ ఇచ్చినట్లు తెలుస్తుంది. మెగా పవర్‌ స్టార్ రామ్ చరణ్ పెళ్లైన చాలా ఏళ్ల తర్వాత తండ్రైన విషయం తెలిసిందే. చరణ్ భార్య ఉపాసన గత నెలలో పండంటి ఆడబిడ్డకు జన్మనిచ్చింది. ఈ సందర్భంగా మెగా లిటిల్ ప్రిన్సెస్ క్లింకారా కోసం ఎన్టీఆర్ ప్రత్యేకంగా డిజైన్ చేయించిన గోల్డ్ డాలర్స్ ను బహుమతిగా పంపించినట్లు టాక్.
అది కూడా తారక్ పిల్లలు అభయ్, భార్గవ్ రామ్ లు ఎంతో ఇష్టంగా వాటిని అందించినట్లు తెలుస్తోంది. ఆ డాలర్స్ మీద చరణ్, ఉపాసన, క్లింకారాల పేర్లు వచ్చేలా డిజైన్ చేయించినట్లు సమాచారం. ఈ బహుతులు మెగా ఫ్యామిలీకి చాలా బాగా నచ్చినట్లు తెలుస్తోంది. ఇక సినిమాల విషయానికి వస్తే.. ‘ఆర్ఆర్ఆర్’ సినిమాతో రామ్ చరణ్- ఎన్టీఆర్‌లు ప్రపంచ వ్యాప్తంగా గుర్తింపు తెచ్చుకున్నారు. ప్రస్తుతం తమ తదుపరి చిత్రాల్లో బిజీగా ఉన్నారు. ప్రస్తుతం తారక్.. కొరటాల శివతో ‘దేవర’ సినిమా చేస్తున్న విషయం తెలిసిందే. ఇక చరణ్ ప్రస్తుతం శంకర్ డైరెక్షన్ లో గేమ్ ఛేంజర్ లో నటిస్తున్నారు.
