రాఘవ లారెన్స్, ఎస్‌జే సూర్య కీలక పాత్రల్లో నటిస్తున్న చిత్రం ‘జిగర్తాండ డబుల్ఎక్స్’. 8 ఏళ్ల కింద విడుదలై సంచలన విజయం అందుకున్న జిగర్తాండ చిత్రానికి సీక్వెల్గా వస్తోంది. తాజాగా ఈసినిమా టీజర్ రిలీజైంది. సౌత్ ఇండియా స్టార్స్ మహేశ్ బాబు, ధనుశ్, దుల్కర్ సల్మాన్, రక్షిత్ శెట్టి.. వారి భాషల్లో రిలీజ్ చేశారు. ఈ గ్లింప్స్లో లారెన్స్ గన్స్‌ పట్టుకుని, బీడీ తాగుతూ పక్కా మాస్‌ అవతారంలో కనిపించగా.. ఎస్‌జే సూర్య సూట్‌ వేసుకుని స్టైల్‌గా కనిపించారు.
కార్తీక్ సుబ్బరాజ్ ఈ సినిమాను డైరెక్ట్ చేస్తున్నారు. నిమిషా సజయన్ మరో కీలక పాత్రలో కనిపిస్తోంది. 2009లో వచ్చిన జిగర్తాండ చిత్రాన్ని.. ఈ జిగర్తాండ డబుల్ ఎక్స్ టీజర్ గుర్తు చేస్తోంది. ఓ ఫిల్మ్ మేకర్, గ్యాంగ్‌స్టర్ చుట్టూ తిరిగే కథ ఇది. ఓ పక్కా క్రైమ్ కథ కోసం వెతుకుతున్న డైరెక్టర్కు.. ఓ రియల్ లైఫ్ గ్యాంగ్‌స్టర్ తన బయోపిక్నే సినిమాగా తీయాలని చెప్పడంతో కథలో అసలు ట్విస్ట్ మొదలవుతుంది.1975 బ్యాక్డ్రాప్లో ఈ చిత్రాన్ని తెరకెక్కించారు. సినిమా బ్యాక్డ్రాప్ అంతా ఆ వాతావరణాన్ని బాగానే క్రియేట్ చేశారు మేకర్స్.
బ్యాక్గ్రౌండ్ మ్యూజిక్ కూడా చాలా బాగుంది. లారెన్స్, సూర్య లుక్స్, యాక్టింగ్ ఆసక్తిని కలిగిస్తుంది. దర్శకుడు కార్తీక్ సుబ్బరాజ్ ఈ సినిమాకు కథ, దర్శకత్వంతో పాటు నిర్మాతగానూ వ్యవహరించారు. తన సొంత బ్యానర్ స్టోన్ బెంచ్ ఫిల్మ్స్పై నిర్మించారు. కార్తికేయన్‌ సంతానం సహా నిర్మాతగా వ్యవహరించారు. పాన్‌ ఇండియా మూవీగా వస్తున్న ఈ సినిమా దీపావళి సందర్భంగా విడుదల కానున్నట్లు గ్లింప్స్లో తెలిపారు మేకర్స్. ఈ చిత్రానికి సంతోష్‌ నారాయణన్‌ సంగీతం అందిస్తున్నారు. షూటింగ్ కూడా ఇప్పటికే పూర్తైపోయింది.
