షాహిద్‌ కపూర్‌ కీలక పాత్రలో గౌతమ్‌ తిన్ననూరి దర్శకత్వంలో తెరకెక్కుతున్న బాలీవుడ్‌ చిత్రం ‘జెర్సీ’. తెలుగులో నాని హీరోగా నటించిన ‘జెర్సీ’ చిత్రాన్నే గౌతమ్‌ హిందీలోనూ రూపొందిస్తున్నారు. ఈ సినిమాలో మృణాల్‌ ఠాకూర్‌ హీరోయిన్‌గా నటిస్తుంది. అన్ని కార్యక్రమాలు పూర్తి చేసుకున్న ఈ సినిమా డిసెంబరు 31న ప్రేక్షకుల ముందుకు రానుంది. ఈ సందర్భంగా చిత్ర ట్రైలర్‌ను విడుదల చేశారు.
క్రికెటర్‌గా చూడాలనుకున్న తన కొడుకు కోరికను తీర్చేందుకు ఓ తండ్రి ఏం చేశాడు? 36ఏళ్ల వయసులో తిరిగి క్రికెట్‌ బ్యాట్‌ పడితే అతడికి ఎలాంటి పరిస్థితులు ఎదురయ్యాయి?ఆటలో గెలిచాడా? జీవితంలో గెలిచాడా? తెలియాలంటే సినిమా చూడాల్సిందే! అల్లు అరవింద్‌, దిల్‌రాజు, అమన్‌ గిల్‌; నాగవంశీలు ఈ సినిమాను నిర్మిస్తున్నారు. అనిరుధ్‌ నేపథ్య సంగీతం అందిస్తుండగా, సాకేత్‌ పరంపర సంగీతం అందించారు.
