Jeeva Latest Horror Film Black:
తెలుగు ప్రేక్షకులకు రంగం, స్నేహితుడు చిత్రాల ద్వారా పరిచయమైన తమిళ హీరో జీవా, గత కొంతకాలంగా విజయాలు లేక ఇబ్బందులు ఎదుర్కొన్నారు. కానీ, సై-ఫై హారర్ థ్రిల్లర్ బ్లాక్ చిత్రంతో ఆయ‌న తిరిగి ఫామ్‌లోకి వచ్చారు. ఈ చిత్రం రజనీకాంత్ నటించిన వెట్టైయన్ సినిమాతో పోటీ పడినా కూడా, బాక్సాఫీస్ వద్ద మంచి వసూళ్లను రాబట్టడంతో విజయాన్ని సాధించింది.
బ్లాక్ విజయంతో జీవాకు మంచి హిట్ లభించింది. ఈ చిత్రానికి ప్రేక్షకుల నుంచి పాజిటివ్ టాక్ రావడంతో, జీవా అభిమానులు సంతోషం వ్యక్తం చేస్తున్నారు. బ్లాక్ సినిమా విడుదల అయిన మూడు వారాల తరువాత అమెజాన్ ప్రైమ్ వీడియోలో తమిళ ఆడియో, ఇంగ్లీష్ సబ్‌టైటిల్స్‌తో అందుబాటులోకి వచ్చింది.
ఈ చిత్రానికి కేజీ బాలసుబ్రహ్మణ్యం దర్శకత్వం వహించగా, కథను కూడా ఆయనే రాశారు. హీరోయిన్‌గా ప్రియా భవానీ శంకర్ నటించారు. మొదట చిత్రం నెమ్మదిగా ప్రారంభమైనప్పటికీ, మంచి టాక్‌తో పాటు మంచి వసూళ్లను రాబట్టింది. హారర్, సై-ఫై జోనర్లలో నడిచే ఈ చిత్రం ప్రేక్షకులను ఆకట్టుకోవడంలో సక్సెస్ అయ్యింది.
బ్లాక్ చిత్రాన్ని పొటెన్షియల్ స్టూడియోస్ ఎల్‌ఎల్‌పి బ్యానర్‌పై ఎస్. ఆర్. ప్రకాష్ బాబు, ఎస్. ఆర్. ప్రభు, పి. గోపినాథ్, తంగ ప్రభాకరన్ కలిసి నిర్మించారు. ఈ చిత్రానికి సామన్ సి. ఎస్. సంగీతాన్ని అందించారు, ఎఫ్‌ఎక్స్‌తో కూడిన సన్నివేశాలు ప్రేక్షకులను థ్రిల్‌ చేస్తాయి.
ALSO READ: Pushpa 2 తో ఫ్యాన్స్ కి సుకుమార్ పెద్ద షాక్ ఇస్తున్నారా?
