‘వ‌ల‌యం’ వంటి గ్రిప్పింగ్‌ సస్పెన్స్ థ్రిల్ల‌ర్‌తో ప్రేక్ష‌కుల‌ను మెప్పించిన యంగ్ హీరో ల‌క్ష్య్. ఇప్పుడు త‌న‌దైన పంథాలో ‘గ్యాంగ్‌స్ట‌ర్ గంగ‌రాజు’ అనే డిఫ‌రెంట్ సినిమాతో ప్రేక్షకుల ముందుకు రానున్నాడు. ఇటీవల విడుదలైన ల‌క్ష్య్ ఫస్ట్‌లుక్‌కు మంచి స్పందన వచ్చింది. ఈ నేపథ్యంలో తాజాగా మేకర్స్‌ నటి జయసుధ తనయుడు నిహార్ కపూర్ లుక్‌ను విడుదల చేశారు. ఈ సినిమాతో నిహార్ కపూర్ విలన్‌గా వెండితె ఎంట్రీ ఇవ్వబోతున్నాడు.
మంగళవారం నిహార్ కపూర్ పుట్టిన‌రోజు సంద‌ర్భంగా ‘గ్యాంగ్‌స్ట‌ర్ గంగ‌రాజు’ మూవీ యూనిట్ అతడి ఫస్ట్లుక్ పోస్టర్‌ను విడుదల చేసింది. చేతిలో క‌త్తి ప‌ట్టుకుని, గ‌డ్డంతో ఉన్న నిహార్ లుక్ చూస్తుంటే భ‌యం గొలిపేలా ఉంది. క‌చ్చితంగా త‌న‌కు ‘గ్యాంగ్‌స్ట‌ర్ గంగ‌రాజు’ న‌టుడిగా మంచి గుర్తింపు తెస్తుంద‌ని భావిస్తున్నాడు నిహార్. ప్రముఖ నిర్మాణ సంస్థ శ్రీ తిరుమల తిరుపతి వెంకటేశ్వర ఫిలిమ్స్ పతాకంపై చదలవాడ బ్రదర్స్ సమర్పణలో పద్మావతి చదలవాడ నిర్మిస్తున్న ఈ చిత్రానికి యంగ్ టాలెంటెడ్ ఇషాన్ సూర్య దర్శకత్వం వహిస్తున్నారు. ప్ర‌స్తుతం ఈ మూవీ షూటింగ్‌ను జ‌రుపుకుంటోంది.
