బుల్లితెర స్టార్‌ యాంక‌ర్ సుమ చాలా కాలం తర్వాత వెండితెర రీఎంట్రీ ఇవ్వ‌బోతుంది. జయమ్మ పంచాయితీ అనే చిత్రంలో సుమ ప్ర‌ధాన పాత్ర పోషిస్తుండ‌గా, వెన్నెల క్రియేషన్స్ బ్యానర్‌పై ఈ చిత్రాన్ని బలగ ప్రకాష్ నిర్మిస్తున్నారు. ఈ మూవీతో విజయ్ కుమార్ కలివారపు దర్శకుడిగా పరిచయమవుతున్నారు. ఎంఎం కీరవాణి ఈ చిత్రానికి సంగీతం అందిస్తున్నారు. అనుష్ కుమార్ కెమెరామెన్‌గా వ్యవహరిస్తున్నారు. కొద్ది సేప‌టి క్రితం చిత్ర టీజర్ విడుదలైంది. టీజర్ ని లాంచ్ చేసిన రానా స్పందిస్తూ అమ్మడియమ్మ జయమ్మ! అంటూ ప్రశంసలు కురిపించారు.
