బాలీవుడ్ బాద్‌షా షారుఖ్ఖాన్ నటిస్తున్న తాజా యాక్షన్‌ ఎంటర్‌టైనర్‌ ‘జవాన్’. అట్లీ డైరెక్షన్‌లో రెడ్‌ చిల్లీస్‌ ఎంటర్‌టైన్‌మెంట్‌ సమర్పణలో వస్తున్న గౌరీ ఖాన్‌ ఈ చిత్రాన్ని నిర్మిస్తున్నారు. సెప్టెంబరు 7న ప్రపంచవ్యాప్తంగా ఈ చిత్రం ప్రేక్షకుల ముందుకు రానుంది. ఇక ఇప్ప‌టికే ఈ సినిమా నుంచి విడుద‌లైన ఫస్ట్ లుక్‌తో పాటు, టీజ‌ర్‌, ట్రైల‌ర్‌ల‌కు ప్రేక్షకుల నుంచి మంచి స్పందన వచ్చింది. ఈ క్రమంలో మేకర్స్‌ బ్యాక్ టు బ్యాక్ అప్‌డేట్‌లు ప్రకటిస్తూ సినిమాపై తిరుగులేని హైప్‌ క్రియేట్‌ చేస్తున్నారు. తాజాగా ఈ సినిమా నుంచి థర్డ్ సింగిల్‌ను విడుదల చేశారు.
తాజాగా ‘నాట్ రామయ్యా వస్తావయ్యా’ అనే పార్టీ సాంగ్‌ను విడుదల చేశారు. ఈ పాట హై-ఎనర్జీ సెలబ్రేషన్‌లా ఉంది. ఇక ఈ పాట‌పై షారుఖ్ఖాన్ స్పందిస్తూ.. ఇది చయ్యా చయ్యా కాదు. ఇది నాట్ రామయ్యా వస్తావయ్యా ఇది జవాన్ థా థా థైయా అంటూ సోష‌ల్ మీడియాలో పోస్టు చేశాడు.
నయనతార ఈ సినిమాలో హీరోయిన్‌గా నటిస్తుంది. హిందీతో పాటు పాన్‌ ఇండియా లెవల్లో ఈ సినిమా సెప్టెంబర్‌ 7న తెలుగు, తమిళం, హిందీ భాషల్లో రిలీజ్‌ కానుంది. అనురుధ్ రవిచంద్రన్‌ స్వరాలు అందిస్తున్న ఈ సినిమాలో విజయ్‌ సేతుపతి విలన్‌ పోషించాడు.
