నవీన్‌ పొలిశెట్టి ప్రధానపాత్రలో నటించిన చిత్రం ‘జాతి రత్నాలు’. ప్రియదర్శి, రాహుల్‌ రామకృష్ణ కీలక పాత్రలు పోషించారు. అనుదీప్‌ కేవీ దర్శకత్వంలో తెరకెక్కిన ఈ సినిమాలో ఫరీదా హీరోయిన్‌గా నటించింది. మార్చి 11న సినిమా ప్రేక్షకుల ముందుకు వచ్చింది. తాజాగా ఈ చిత్రానికి సంబంధించిన ‘అర్రెరె జాతిరత్నాలు’ అంటూ రామ్‌ మిర్యాల పాడిన ప్రత్యేక పాటను వైజయంతి నెట్‌వర్క్ సంస్థ తన యూట్యూబ్‌లో షేర్‌ చేసింది. స్వప్న సినిమాస్‌ పతాకంపై తెరకెక్కిన ఈ సినిమాకి నాగ్‌ అశ్విన్‌ నిర్మాతగా వ్యవరించగా.. రథన్‌ సంగీతం సంగీతం అందించారు. ఈ చిత్రంలో బ్రహ్మానందం, మురళీ శర్మ, వెన్నెల కిశోర్‌, బ్రహ్మజీ, తనికెళ్ల భరణి తదితరులు నటించారు.
రామ్‌ మిర్యాల పాడిన ‘అర్రెరె జాతిరత్నాలు’.. రిలీజ్‌
