అక్కినేని యంగ్‌ హీరో అఖిల్‌.. ప్రస్తుతం ఏజెంట్‌ సినిమాలో నటిస్తున్న సంగతి తెలిసిందే. సురేందర్‌ రెడ్డి దర్శకత్వం వహిస్తున్న ఈ సినిమాలో అఖిల్‌ లుక్‌పై ఇప్పటికే ప్రశంసలు దక్కుతున్నాయి. ఈ సినిమాలో అఖిల్‌ 6ప్యాక్‌ బాడీతో కనిపించనున్నాడు. ఇక ఆగస్టు 12న ఈ సినిమా విడుదల కానుంది.
ఈ సినిమా అనంతరం అఖిల్‌ ప్రముఖ బాలీవుడ్‌ నిర్మాత, దర్శకుడు కరణ్‌జోహార్‌తో కలిసి ఓ సినిమా చేయనున్నట్లు సమాచారం. పాన్‌ ఇండియా మూవీగా తెరకెక్కుతున్న ఈ సినిమాలో అఖిల్‌కి జంటగా బాలీవుడ్‌ బ్యూటీ జాన్వీ కపూర్‌ను తీసుకోవాలని చూస్తున్నారు. దీనిపై అఫీషియల్‌ అనౌన్స్‌మెంట్‌ రావాల్సి ఉంది.
శ్రీదేవీ కూతురిగా బాలీవుడ్‌లో ఎంట్రీ ఇచ్చిన జాన్వీ ఇప్పటివరకు ఏ టాలీవుడ్‌ ప్రాజెక్టుకు ఓకే చెప్పలేదు. త్వరలోనే తెలుగులో ఆమె ఎంట్రీ ఉండనున్నట్లు వార్తలు చక్కర్లు చేస్తున్న సంగతి తెలిసిందే.
