టాలీవుడ్‌ నటుడు జగపతిబాబు వరుస ఆఫర్లతో బిజీగా ఉన్నాడు. ప్రస్తుతం ‘అఖండ’ సినిమాలో చేస్తున్నాడు. ఈసినిమాలో జగ్గుబాయ్‌ ‘అఘోర’గా కనిపించనున్నాడనే వార్తలు వినిపిస్తున్నాయి. బోయపాటి డైరెక్షన్‌లో బాలయ్య హీరోగా నటిస్తున్న చిత్రం ‘అఖండ’. ప్రస్తుతం ఈ సినిమా షూటింగు తమిళనాడులో జరుగుతోంది. బాలకృష్ణ తదితరులపై అక్కడ క్లైమాక్స్ సన్నివేశాలను చిత్రీకరిస్తున్నారు. ఈ షెడ్యూల్ తో ఈ సినిమా షూటింగ్‌ పార్టును పూర్తిచేసుకోనుంది. ఈ సినిమాలో శ్రీకాంత్ విలన్ గా నటిస్తున్నాడు. ఆయన పాత్రను డిజైన్ చేసిన తీరు కొత్తగా ఉంటుందని అంటున్నారు.
ఈ నేపథ్యంలోనే జగపతిబాబు కూడా ఈ సినిమాలో కీలకమైన పాత్రలో కనిపించనున్నాడనీ, అఘోర ఎపిసోడ్ లో ఆయన కనిపిస్తాడని అంటున్నారు. అఘోర పాత్రలో ఉన్న బాలయ్యకి ఆయన మార్గదర్శిగా కనిపిస్తాడని చెబుతున్నారు. ఇందులో నిజం ఎంతుందో చూడాలి.
