టాలీవుడ్ సీనియర్‌ నటుడు జగపతి బాబు మరోసారి కోలీవుడ్ సూపర్ స్టార్ రజనీకాంత్ చిత్రంలో నటించబోతున్నారు. ఇప్పటికే రెండు చిత్రాల్లో రజనీతో కలిసి నటించిన జగపతిబాబు.. మూడో చిత్రంలోనూ మెరిసి ఆడియన్స్ ను మురిపించబోతున్నారు. ఈ మేరకు ప్రముఖ కోలీవుడ్ ప్రొడక్షన్ హౌస్ సన్ పిక్చర్స్.. గ్రాండ్ గా వెల్కం చెప్పింది. రజనీకాంత్ అప్ కమింగ్ మూవీ ‘అన్నాత్తే’! స్టార్ డైరెక్టర్ శివ దర్శకత్వంలో తెరకెక్కుతున్న ఈ సినిమా ఎప్పుడో మొదలైంది. చాలా వరకు షూటింగ్ కూడా జరిగింది. కానీ.. హైదరాబాద్ లో చిత్రీకరణ జరుగుతున్న సమయంలో తీవ్ర అనారోగ్యానికి గురై ఆసుపత్రిలోకి చికిత్సపొందిన విషయం తెలిసిందే. ఆ తర్వాత చెన్నైకి వెళ్లిపోయిన రజనీ.. అనంతరం రాజకీయ పరిణామాల నేపథ్యంలో ఇంటికే పరిమితం అయిపోయారు.
తాజాగా రజనీ.. షూటింగ్ స్టార్ట్ చేయాలని సూచించాడట. దీంతో.. యూనిట్ మొత్తం సిద్ధమైపోయింది. అతి త్వరలోనే సెట్స్ లో అడుగు పెడుతున్నారు తలైవా. అయితే.. ఈ సినిమాలో జగపతి బాబు నటించబోతున్నాడన్న వార్త ఆసక్తిని రేకెత్తిస్తోంది. చెన్నైలో మొదలు కాబోతున్న షూటింగ్ లో జగ్గూభాయ్ పాల్గొంటాడని తెలుస్తోంది. నయనతార కీర్తి సురేష్ మీనా ఖుష్బూ తదితరులు కీలక పాత్రలో నటిస్తున్నారు. ఈ సినిమా దీపావళి కానుకగా నవంబర్ 4న రిలీజ్ చేసేందుకు ప్లాన్ చేస్తున్నారు మేకర్స్.
