యాంకర్‌, నటి రష్మి.. కరోనా వైరస్‌ను ప్రస్తావిస్తూ మంగళవారం ఓ ట్వీట్‌ చేసింది. దీన్ని చూసిన ఓ నెటిజన్‌ అది ముఖ్యం కాదన్నట్లు కామెంట్‌ చేశాడు. రష్మి వ్యాఖ్యాతగా వ్యవహరిస్తున్న షోను, ఆమె వస్త్రధారణను ఉద్దేశించి అసభ్యంగా మాట్లాడాడు. దీంతో రష్మి అసహనం వ్యక్తం చేసింది. ఇలాంటి అత్యవసర పరిస్థితుల్లోనూ మన ప్రజల ఆలోచనలు మాత్రం మారడం లేదని పేర్కొన్నారు.
”కరోనా, టీవీ షో.. పరస్పర సమస్యలని భావించే వారు ముందు వారి ఆలోచనల్ని మార్చుకోండి. అయినా ఇదంతా డిమాండ్‌, సరఫరాపై ఆధారపడి ఉంటుంది. మేం మీ చేతులు, కాళ్లు కట్టేసి టీవీ ముందు కూర్చో పెట్టలేదు. మేం మీకు నచ్చనట్లు డ్యాన్స్‌ చేసినప్పుడు కళ్లు మూసుకోవచ్చు. లేదంటే ఛానెల్‌ మార్చుకోవచ్చు. ఒక్క షో హిట్‌ అవ్వడానికి ముఖ్య కారణం ప్రేక్షకులు. మమ్మల్ని స్వీకరించిన వారికి మేం కృతజ్ఞతా భావంతో ఉంటాం. షోతో సమస్యలున్న వారు చూడకుండా ఉండొచ్చు. లేకపోతే మీరొక సినిమా తీస్తుంటే అందులో నన్ను సతీ సావిత్రి పాత్రకు తీసుకోండి. నేను ఎంచుకున్న పని గురించి నన్ను ప్రశ్నించొద్దు. నాకు వచ్చిన అవకాశాల్లో ఉత్తమమైన దాన్ని ఎంచుకుని మీ అందరిలాగే పనిచేస్తున్నా” అని రష్మి జవాబు ఇచ్చింది.
ఇదే సందర్భంగా విదేశీయుడి ఫొటోను ట్విటర్ ప్రొఫైల్‌గా పెట్టుకుని ఉన్న ఓ నెటిజన్‌ రష్మి ఫొటోలు షేర్‌ చేస్తూ.. అసభ్య వ్యాఖ్యాలు చేశాడు. ‘కామెంట్‌ చేసే ముందు ఆలోచించండి’ అని రాశాడు. దీనికి రష్మి స్పందిస్తూ.. అతడి ట్విటర్ ఖాతాలో అసభ్యంగా ఉన్న ఓ ఫొటోను తిరిగి పోస్ట్‌ చేసింది. విదేశీయుడి ఫొటో పెట్టుకుని.. సొంత గుర్తింపు లేకుండా భారతీయ విలువలు, సంప్రదాయాల గురించి మాట్లాడటం ఏంటని విస్తుపోయింది. దీనికి అతడు తిరిగి రిప్లై ఇచ్చాడు. ‘విదేశీయుడి ముఖంతో నీకు సంబంధం ఏంటి?’ అని అడిగాడు. దీనికి రష్మి స్పందిస్తూ.. ‘కరోనాకి, టీవీ షోకి సంబంధం ఏంటి?’ అని ఘాటుగా బదులిచ్చింది
