Vishwambhara Update:
మెగాస్టార్ చిరంజీవి తన కెరీర్‌లో మరో విభిన్నమైన చిత్రంతో ప్రేక్షకుల ముందుకు రాబోతున్నారు. ‘బింబిసార’ ఫేమ్ మల్లిడి వశిష్ట దర్శకత్వంలో తెరకెక్కుతున్న Vishwambhara సోషియో ఫాంటసీ జానర్‌లో హైలైట్‌గా నిలవనుంది.
ఈ సినిమా గురించి ఆసక్తికరమైన సమాచారం లీకైంది. ఇది చిరు క్లాసిక్ ‘జగదేక వీరుడు అతిలోక సుందరి’ తరహా ఎంటర్టైన్మెంట్‌తో పాటు, ‘హిట్లర్’ సినిమాలోని సెంటిమెంట్‌ని కలిపి రూపొందించారని టాక్. సినిమా కథ సృష్టి, స్థితి, లయ అనే మూడింటి చుట్టూ తిరుగుతుందని తెలుస్తోంది.
ఈ చిత్రాన్ని 2025 మే 9న విడుదల చేయాలని మేకర్స్ ప్లాన్ చేస్తున్నారు. అంతేకాదు, మహాశివరాత్రి సందర్భంగా ఫస్ట్ సింగిల్ విడుదల చేయనున్నారని సమాచారం. ఈ సినిమాకు ఎం.ఎం.కీరవాణి సంగీతం అందిస్తుండటం మరో ప్రత్యేక ఆకర్షణ.
త్రిష కథానాయికగా నటిస్తుండగా, అశికా రంగనాథ్, ఇషా చావ్లా, సురభి పట్నాయక్, కునాల్ కపూర్, మీనాక్షి చౌదరి ముఖ్యపాత్రల్లో కనిపించనున్నారు.
మెగాస్టార్ చాలా కాలం తర్వాత ఫాంటసీ ఎంటర్‌టైనర్‌లో నటించడంతో అభిమానులు ఈ సినిమాపై భారీ అంచనాలు పెట్టుకున్నారు. మల్లిడి వశిష్ట విజువల్ ట్రీట్ ఇవ్వనున్నారని టాక్. బింబిసార లాంటి గ్రాండ్ విజువల్స్, చిరు స్టైల్ ఎంటర్టైన్మెంట్ కలిస్తే సినిమా బ్లాక్‌బస్టర్ అవ్వడం ఖాయం అని ఫ్యాన్స్ ముందే కామెంట్స్ చేస్తున్నారు!
