The Raja Saab Story:
పాన్-ఇండియా స్టార్ ప్రభాస్ ప్రధాన పాత్రలో నటిస్తున్న హారర్ కామెడీ చిత్రం ద రాజా సాబ్ తెలుగు సినీ ప్రేమికులను ఎంతగానో ఆకర్షిస్తోంది. ఈ సినిమా ఏప్రిల్ 10న థియేటర్లలోకి రానుంది. మారుతి దర్శకత్వంలో రూపొందుతున్న ఈ చిత్రంలో ప్రభాస్ పూర్తిగా కొత్త రీతిలో కనిపించబోతున్నారని సమాచారం.
ప్రభాస్ ఈ చిత్రంలో తన అభిమానులను ఆశ్చర్యపరచే పాత్ర పోషిస్తున్నారని ప్రచారం జరుగుతోంది. ఈ కథలో ప్రభాస్ తాత పాత్రలో బాలీవుడ్ నటుడు సంజయ్ దత్ నటిస్తుండటం విశేషం. ప్రభాస్, సంజయ్ దత్ మధ్య ఉన్న కెమిస్ట్రీ బాగా పండిందని సమాచారం.
RAJASAAB POSTER OUT NOW – APRIL 10, 2024 RELEASE!#Prabhas in a horror comedy – #RajaSaab. On the occassion of #Prabhas‘ birthday, team #RajaSaab unleashes the first look of the ‘Rebel Star’ from the film.
Shooting Underway! pic.twitter.com/Yhj1qWieAa
— Himesh (@HimeshMankad) October 23, 2024
సినిమాలో మంచి ఫ్లాష్‌బ్యాక్ ఎపిసోడ్‌లు ఉంటాయని, వాటిలో ప్రభాస్ పొడవైన జుట్టుతో.. రాయల్ అవతార్‌లో కనిపిస్తారని సమాచారం. ప్రభాస్ పాత్ర ఒక రహస్యం ఉంటుంది అని.. ప్రేక్షకులను ఆశ్చర్యానికి గురిచేసే మలుపులు కూడా ఉంటాయని టాక్ నడుస్తోంది.
ఇండస్ట్రీ వర్గాల్లో ప్రచారంలో ఉన్న కథనం ప్రకారం, సంజయ్ దత్ ఈ కథలో విలన్ గా ఉంటారని, సీనియర్ ప్రభాస్ పాత్రను మోసం చేసి చంపేస్తారని సమాచారం. అయితే, అది నిజమో కాదో మరి విడుదల తరువాతే తెలుస్తుంది. ఈ సన్నివేశాల తర్వాత ప్రభాస్ ప్రేతాత్మగా తిరిగి వస్తారని, ఆయన సీక్రెట్స్‌ను బయటపెట్టేందుకు సంజయ్ దత్‌పై పగ తీర్చుకోవాలని చూస్తారని, ఆ క్రమంలోనే కామెడీ కూడా ప్రధానంగా ఉంటుందని వినిపిస్తోంది.
ద రాజా సాబ్ చిత్రం ప్రేక్షకులకు కొత్త అనుభవం అందించేలా హారర్, రొమాన్స్, కామెడీ అంశాలను సమపాళ్ళలో కలిపినట్లు తెలుస్తోంది. ఈ సినిమాలో హీరోయిన్లుగా నిధి అగర్వాల్, మాళవిక మోహనన్ నటిస్తున్నారు. పీపుల్ మీడియా ఫ్యాక్టరీ అధిక బడ్జెట్‌తో ఈ చిత్రాన్ని నిర్మిస్తున్నారు
ALSO READ: Amaran movie review: శివ కార్తికేయన్ యుద్ధ ప్రేమ కథ ఎలా ఉందో తెలుసా?
