Devara Premieres:
జూనియర్ ఎన్టీఆర్ కు 9 అనే సంఖ్యతో ఉన్న సెంటిమెంట్ గురించి అందరికీ తెలిసిన విషయమే. ఈ కారణంగా తారక్ తన అన్ని కార్లకు 9999 రిజిస్ట్రేషన్ నంబర్ పెట్టిస్తూ ఉంటారు. ఎన్ని 9 కు కూడిన వచ్చేది 9. ఎన్టీఆర్ కి 9 బాగా కలిసి వచ్చే నెంబర్ అని టాక్.
ఇప్పుడు, అదే 9 సెంటిమెంట్‌ను దేవర సినిమా విడుదలకు కూడా అనుసరిస్తున్నట్లు తెలుస్తోంది. ఈ సంఖ్య 9 సెంటిమెంట్‌ను గమనిస్తే, సినిమా విడుదల ప్రణాళికలో స్పష్టంగా కనిపిస్తుంది. మొదటగా, ఈ సినిమా సెప్టెంబర్‌లో విడుదల అవుతోంది, ఇది సంవత్సరంలోని 9వ నెల. తరువాత, విడుదల తేదీ 27, దీనిలో 2+7 = 9 అని వస్తుంది.
ఇప్పుడు తాజా సమాచారం ప్రకారం దేవర సినిమా రెండు తెలుగు రాష్ట్రాల్లో ఒకే విధంగా ప్రీమియర్లను 1:08 గంటలకు వేయనున్నారు. ఈ సమయాన్ని కూడినా కూడా 9 అని వస్తుంది. మేకర్స్ అర్ధరాత్రి షోలకు ఏర్పాట్లు చేస్తారని, అందుకే ఈ సమయ ఏర్పాట్లు చేస్తున్నారని చెబుతున్నారు.
ఎన్టీఆర్ మిగతా సినిమాలతో పోలిస్తే దేవర సినిమా విడుదల విషయాల్లో 9 అనే సంఖ్యను ఎక్కువగా ఉపయోగిస్తున్నట్లు కనిపిస్తోంది. ఈ నంబర్ ప్రేక్షకులకు సినిమాపై మరింత ఆసక్తి రేకెత్తిస్తోంది. మరి ఈ సెంటిమెంట్ ఎంతవరకు నిజమవుతుందో చూడాలి.
